29 Кулун тутар 29.03
  • -10°
  • $ 92,26
  • 99,71

Бүлүүнү туоруур муосталар тутуллуохтара

18:11, 18 января 2017
Текст:
Читайте нас на
Яндекс Новости
ЯДВ

2022 сылга диэри «Өлүөнэ» федеральнай таһымнаах суол бүтүннүүтэ асфалынан бүрүллэн, суоппардар остуол ньуурун курдук көнө суолунан айанныахтара. Бу туһунан edersaas.ru иһитиннэрэр.


2018 сылга Марха өрүһү туоруур муоста тутуллан, силигин ситиэхтээх. Баараҕай улахан муоста «Бүлүү» суолун 756-с килэмиэтиригэр тутулла турар. Тутуу генеральнай бэдэрээтчитэ Новосибирскайдааҕы «Сибмост» ААУо. Үлэ 2015 сыл сэтинньи 30 күнүттэн саҕаланан, 2018 сыл сэтинньи 31 күнүгэр түмүктэниэхтээх. Тутуу уопсай суумата 4,7 млрд. солк. тэҥнэһэр.

«Халыма» суолун тупсарыыга чугастааҕы сылларга эмиэ күүстээх үлэ ыытыллара күүтүллэр. Ил Дархан Егор Борисов сорудаҕынан, билигин үбүлээһин боппуруоһугар федераллары кытары үлэ барар. Ол курдук, 2021 сылга диэри Аллараа Бэстээхтэн Таатта Уолбатыгар диэри хапытаалынай өрөмүөн ыытыллан, кытаанах бүрүөһүннээх суол тыргыллыа.

«Өссө улахан муосталары тутуу соруга турар. Ол курдук, Бүлүү өрүһү туоруур муосталары туттахпытына, Мирнэйтэн Дьокуускайга диэри сылы эргиччи айан-сырыы олохтонуо», – диэн СӨ Тырааныспар уонна суол хаһаайыстыбатын миниистирэ Семен Винокуров этэр.

«Сибмост» уһук хоту усулуобуйатыгар үлэлиир кыахтаах улахан уопуттаах хампаанньа. 2011 – 2015 сылларга Саха сиригэр биэс муостаны тутан үлэҕэ киллэрбитэ.

Билигин «Бүлүү» суол «сезоннай» туруктаах буолан, сааскы-күһүҥҥү өттүгэр быһа сырыы хааччахтардаах. Холобур, Дьокуускайтан Сунтаарга диэри айаннааччылар Бүлүү өрүһүн үстэ туорууллар.

Следите за самым важным и интересным в Telegram-канале и WhatsApp-группе ЯСИА