Россия Почтатын Саха сиринээҕи филиала өрөспүүбүлүкэҕэ почта сибээһин саҥардар, тупсарар. Бүлүү оройуонугар Күүлэкээн уонна Горнай улууһугар Өрт нэһилиэктэрин почталара саҥа дьиэлэннилэр.
Күүлэкээн Бүлүү улууһугар саамай ыраах, түгэх сытар нэһилиэк. Манна быһа холуйан 500 киһи олорор. Кыһыҥҥы суол суох кэмигэр почта авиациянан эрэ тиэрдиллэр. Нэһилиэк почтатыгар аныгы өҥө барыта оҥоһуллар: баан каартатыттан харчыны устар POS-терминал, судаарыстыбаннай өҥө, нолуок, о.д.а. төлөбүрдэри ылар.
Бу сааскы күн 500 киһилээх Горнай улууһун Өрт нэһилиэгин почтата муус устарга аһыллыбыт элбэх функцияны оҥорор кииҥҥэ саҥа дьиэлэммитэ.
Бу барыта муниципальнай тэриллиилэр баһылыктарын кытта ыкса ситимнээх үлэ үтүө түмүгэ буоларын Россия Почтатын Саха сиринээҕи филиалын салайааччыта Алевтина Игнатьева бэлиэтээтэ.
