«Бүлүү» суол управлениета өрүстэри, күөллэри туоруур кыһыҥҥы айан суолун ахсынньыга арыйар былааннаах.
Быһа барыллаан ахсынньы 1 күнүттэн 4 туоннаҕа диэри ыйааһыннаах массыыналар Бүлүү эбэни «Бүлүү» федеральнай трасса 660 км (Үөһээ Бүлүү с.), 807 км (Күндээдэ с.), 956 км (Устье с.) уонна 1049 км (Кириэстээх с.) туоруохтарын сөп.
Алдан өрүһүнэн «Хаандыга — Мэҥэ-Алдан» 365 км хайысханан «Халыма» федеральнай трасса ахсынньы 10 күнүттэн арыллара былааннарар, Ленаны «Дьокуускай — Аллараа Бэстээх» (6 – 18 км) туһаайыынан тохсунньу 5 күнүттэн.
Күн-дьыл туругуттан уонна өрүстэр, күөллэр турууларыттан көрөн, кыһыҥҥы суолу арыйыы болдьоҕо уларыйыан сөп, диэн тэрилтэ пресс-сулууспата иһитиннэрэр.
Сэтинньи ыйтан кыһыҥҥы суолу бэлэмниир үлэ саҕаланыа.
