29 Кулун тутар 29.03
  • -13°
  • $ 92,26
  • 99,71

Бүлүүгэ ракета көтүүтүгэр бэлэмнэнии үлэ саҕаланна

17:20, 22 декабря 2018
Текст:
Читайте нас на
Яндекс Новости
ЯДВ

Биллэрин курдук, «Восточнай» космодромтан «Союз-2.1.а» ракета-носитель уочараттаах көтүүтэ бу сыл ахсынньы 27 күнүгэр былааннанар. Онон сибээстээн Бүлүү улууһугар бэлэмнэнии үлэ саҕаланна. Ыксаллаах быһыыны-майгыны сэрэтиигэ уонна туоратыыга Бүлүү улууһунааҕы комиссиятын ахсынньы 21 күнүгэр бу боппуруоһу дьүүллэһиигэ анаммыт мунньах буолла.


Ракета тобоҕун түһүүтүгэр анаммыт мунньаҕын улуус баһылыгын бастакы солбуйааччы Иван Иванович Евсеев салайан ыытта. Мунньахха
«Роскосмос» Госкорпорация ФГУП «ЦЭНКИ» ракета тобохторо түһэр оройуоннарын Управлениетын начальнигын солбуйааччы Олег Юрьевич Дмитриев сүрүн иһитиннэриини оҥордо.
Ракета көтүүтэ урукку трассатынан ааһарынан уонна ракета тобохторо барыллаан түһүөхтээх сирдэринэн ким да сылдьыа суохтаах. Ити кэмҥэ Үгүлээт, 2 Күүлэт сиригэр-уотугар кэлиини-барыыны тохтоторго, манна баар булчуттары сылдьар сирдэриттэн быстах кэмҥэ таһаарарга ити нэһилиэктэр баһылыктарыгар ыйыы оҥоһулунна. Салгыы ахсынньы 24-25 күннэригэр 2 Күүлэт, Үгүлээт нэһилиэктэригэр «Роскосмос» Госкорпорация бэрэстэбиитэллэрэ кыттыылаах нэһилиэнньэни кытта көрсүһүүлэр ыытыллыахтара.
Билигин кэтээн көрүү үлэтин ыытарга Үгүлээт сиригэр радары туруорууга «Роскосмос» туһааннаах исписэлиистэрэ кэлэн үлэлии сылдьаллар уонна бу кэм устата вертолетунан көтө сылдьан кэтээн көрүү үлэтин ыыталлар.

Ааптар: Николай Федоров

Следите за самым важным и интересным в Telegram-канале и WhatsApp-группе ЯСИА