28 Кулун тутар 28.03
  • -13°
  • $ 92,59
  • 100,27

Бүгүн Россия олохтоохторо Конституцияҕа көннөрүүлэри киллэриигэ куоластыыллар

08:06, 01 июля 2020
Текст:
Читайте нас на
Яндекс Новости
ЯДВ

Бүгүн, от ыйын 1 күнүгэр, РФ Конституциятыгар көннөрүүлэри киллэриигэ куоластааһын буола турар. Саха сиригэр быыбардыыр учаастактар сарсыарда 8.00 чааска ааннарын тэлэччи арыйдылар. Бэлиэтээн эттэххэ, коронавирус пандемиятынан, санитарнай миэрэлэри тутуһар сыалтан, куоластааһын бэс ыйын 25 күнүттэн саҕаламмыта.


Бэҕэһээ дойду президенэ Владимир Путин Россия олохтоохторун Конституцияҕа көннөрүүлэри киллэриигэ куоластааһыҥҥа көхтөөхтүк кытталларыгар ыҥырбыта. Кини хас биирдии  киһи куолаһа сүдү суолталааҕын бэлиэтээбитэ.

«Мин дойдуга саамай суолталаах боппуруостарынан куруук ыҥырыы оҥоробун. Бүгүн эмиэ өссө биирдэ этэрим наадалаах. Биһиги көннөрүүлэргэ эрэ буолбакка, олорор дойдубут туһугар куоластыыбыт, аныгылыы үөрэҕи биэрэр, эрэллээх социальнай бэлиитикэлээх уонна көдьүүстээх былаастаах», — диэтэ бэйэтин этиитигэр президент.
«Биһигини түмэр, сомоҕолуур чугас дьоммут, олоххо сыаннастар тустарынан саныыбыт», — диэтэ судаарыстыба баһылыга.
Следите за самым важным и интересным в Telegram-канале и WhatsApp-группе ЯСИА