Өрөспүүбүлүкэ олохтоохторо бүтүн Россиятааҕы «Эйэ холууба» аахсыйаҕа бэс ыйын 24 күнүгэр кытталлар. Тэрээһин эйэлээх олоҕу, бэйэҕэ уонна үүнэр көлүөнэҕэ харыстабыллаах сыһыаны уруйдуур.
Саха сиригэр аахсыйаны сүрүннүүргэ ыччат министиэристибэтэ эппиэттээх.
«Аахсыйаҕа кыттан Аҕа дойду улуу сэриитигэр дойду иһин турууласпыт бэтэрээннэргэ махтал биллэрэбит», – диэтилэр биэдэмистибэҕэ.
Бырайыакка кыттарга кумааҕынан холууп оҥоһуллар, араас ньыманан. Онтон дьиэҥ, кыбартыыраҥ, офиһыҥ түннүгэр эбэтэр чугастааҕы үүнэн турар маска иилиллэр.
Хаартыскаҕа түһэрэн баран эйэни баҕаран интернет ситиминэн ыытыллар, хештегтара #голубьмира #мирназемле #парадпобедителей #радостьпобеды #год2020 #годпамятииславы.
