Үөһээ Бүлүү ураты кыахтаах дьонунан биллэр. Бүгүн улуус бастыҥ спортсменнарын чиэстээтилэр. Чөмпүйүөннэр баалларыгар быһыйдар уонна күүстээхтэр мустан, ааспыт сыл түмүктэрин бэлиэтээтилэр. 


Үөһээ Бүлүү үрдүк ситиһиилээх спортсменнарын чисэтээтилэр. 2018 сыл түмүгүнэн бастыҥ спортсменнарынан ааттаннылар:

1. Сардаана Трофимова (чэпчэки атлетика, Тамалакаан) – Москва тыраассатын норуоттар икки ардыларынааҕы марафонун чөмпүйүөнкэтэ уонна рекордсменката, РФ марафонугар бастакы рейтиннаах, ыччаттарга ыытыллыбыт Волгоград тыраассатын Россия марафонун чөмпүйүөнкэтэ.

2. Наталья Черноградская (мас тардыһыыта, Өргүөт) – Мас тардыһыытыгар Саха Сирин чемпионката, Бүтүн Россиятааҕы Р. Дмитриев кэриэһигэр ыытыллыбыт турнир чөмпүйүөнкэтэ, Дьокуускайга ыытыллыбыт Аан дойду чөмпүйүөнкэтэ. СӨ 70 киилэҕэ дылы дьахталларга муҥутуур кыайыылааҕа.

 

3. Михаил Саввинов (гиирэ спорда, Үөһээ Бүлүү сэлиэнньэтэ) – Саха Сирин уонна Илин Эҥэр кубогын кыайыылааҕа, Үөһээ Бүлүү улууһун чемпиона, Соҕуруу Корея Пусан куоратын Россия Сибирь Азиятааҕы чемпионатын кыайыылааҕа, Бэдэрээссийэ куубагын чемпиона.

4. Михаил Руфов (чэпчэки атлетика, Дүллүкү) — 300 уонна 400 миэтэрэҕэ Саха сирин кыайыылааҕа уонна рекордсмена, 400 миэтэрэҕэ Уһук Илин уокурук чемпионатын кыайыылааҕа, Арассыыйа чемпионатын 400 миэтэрэҕэ финалиһа.

 

5. Эрчим Баппаҕай (мас тардыһыыта, Тамалакаан) — Саха сирин уонна Бүтүн Россиятааҕы Р.Дмитриев кэриэһигэр ыытыллыбыт турнир чемпиона, Баку куоракка ыытыллыбыт Европа чөмпүйэнээтин кыайыылааҕа, Алдан куоракка ыытыллыбыт Олоҥхо ыһыаҕын муҥутуур кыайыылааҕа, Дьокуускайга буолбут «Көмүс мас» өрөспүүбүлүкэтээҕи турнирын чөмпүйүөнэ, Бэдэрээссийэ бирииһигэр ыытыллыбыт аһаҕас турнир муҥутуур кыайыылааҕа (Мииринэй), 2018 сылга А.Кузнецов сырдык кэриэһигэр ыытыллыбыт өрөспүүбүлүкэтээҕи турнир муҥутуур кыайыылааҕа.

6. Увар Тимофеев (хапсаҕайдаһан тустуу, Ороһу) — Саха Сирин 2018 сыллааҕы бастыҥ хапсаҕайдьыта, «Хаҥалас Хапсаҕайа» өрөспүүбүлүкэтээҕи турнир муҥутуур кыайыылааҕа, П.Алексеев аатынан өрөспүүбүлүкэтээҕи чемпионат призера, В. Степанов-Буучугурас чөмпүйэнээтин, Мииринэйгэ ыытыллыбыт А. Никифоров өрөспүүбүлүкэтээҕи турнир муҥутуур кыайыылааҕа.

7. Тимур Николаев (көҥүл тустуу, Дүллүкү) — Москва куорат чөмпүйүөнэ, Москва кубогын призера, Кемерово куоракка ыытылыбыт “Шахтерская слава” московскай турнир призера. Россия Чөмпүйэнээтигэр 5-с миэстэлээх.

8. Пелагея Григорьева (чэпчэки атлетика, Кырыкый) — СӨ кыһыҥҥы чемпионатыгар 400 миэтэрэ дистанцияҕа чемпионка, Кыргызтаан Өрөспүүбүлүкэтигэр буолбут аһаҕас турнир 200 уонна 400 миэтэрэ дистанцияларга призерка, Бүтүн Арассыыйытааҕы М.Д. Пинигина аатынан турнирга 400 миэтэрэ призерката.

9. Тимофеев Никандр (гиирэ спорда, Далыр) — СӨ чемпионатын призера, Соҕуруу Корея Пусан куоратын Россия Сибирь Азиятааҕы чөмпүйэнээтин кыайыылааҕа, СӨ Бэдэрээссийэ Кубогын чөмпүйүөнэ.

10. Харлампий Терентьев (адаптивнай спорт, Үөһээ Бүлүү сэлиэнньэтэ) –Чэпчэки атлетикаҕа СӨ кыһыҥҥы чемпионатын призера (ядрону быраҕыыга), олорон эрэн волейбол оонньуутугар СӨ сүүмэрдэммит хамаандатын хапытаана, Үөһээ Бүлүү улууһуттан олорон эрэн волейбол оонньуутун көрүҥэр бастакынан РФ спордун маастарын дастабырыанньатын ылла.

Анал ааттар — 2018
1. «Бастыҥ спортивнай Бэдэрээссийэ»
— гиирэ спорда (бэрэсс. Илья Ильич Саввинов) сахалартан бастакы норуоттар икки ардыларынааҕы кылаастаах спорт маастара Михаил Саввинов, үс Азия чөмпүйүөннээх;
2. «Бастыҥ тренер» — Раиса Васильевна Григорьева (хотугу многоборье). Айаан Чоросов, Пелагея Григорьева, Павел Егоров өрөспүүбүлүкэтээҕи турнирдар уонна чемпионаттар призердара;
3. «Бастыҥ спортивнай суруналыыс» — Константин Иванович Мандаров;
4. «Сыл арыйыыта» — Елисеев Виктор Борисович Кыргызтаҥҥа ыытыллыбыт оҕунан ытыыга 3-с норуоттар икки ардыларынааҕы кочевниктар оонньууларын призера;
5. «Эрэллээх дьыалабыай партнер» — Николай Николаевич Еттянов
6. «Үлэһит кэлэктииптэр ортолоругар бастыҥ спортивнай тэрийээччи» — Григорьевич Ким Василий (12-с №-дээх баһаарынай чаас).
7. «Нэһилиэктэргэ бастыҥ спортивнай тэрийээччи» — «Тамалакан нэһилиэгэ»МТ (баһылык Петр Прокопьевич Иванов) — Е. Прокопьев «Чөҥкөй бирииһэ» хапсаҕай.
8. «Нэһилиэктэргэ бастыҥ спортивнай инструктор» — Семен Семенович Харбаев («Ботулу нэһилиэгэ» МТ)
9. «Бастыҥ бэтэрээн спортсмен» — Александр Васильевич Варламов (бильярд) – өрөспүүбүлүкэтээҕи турнирдар чемпионнара уонна призердара.
10. «Оҕо спордун бастыҥ тэрийээччитэ» — Игнат Гаврильевич Кысылбаиков (көҥүл тустуу).

Нэһилиэктэр икки ардыларыгар ыытыллыбыт комплекснай спартакиада кыайыылаахтара, бастакы бөлөх
1м. «Үөһээ Бүлүү сэлиэнньэтэ» МТ, баһылык Силигиянов М.Ф.
2м. «Тамалакан нэһилиэгэ» МТ, баһылык Иванов П.П.
3м. «Ботулу нэһилиэгэ» МТ, баһылык Поскачин А.С.
Иккис бөлөх кыайыылаахтара
1м. «Быракан нэһилиэгэ», баһылык Оконосов А.А.
2м. «Кырыкый нэһилиэгэ» МТ, баһылык Сергеев С.Я.
3м. «Оҥхой нэһилиэгэ», баһылык Иванов Р.В.
Үлэһит кэлэктииптэр ортолоругар ыытыллыбыт комплекснай спартакиада кыайыылаахтара
1м. Олох-дьаһах коммунальнай хаһаайычтыбатын тэрилтэ, салайааччы Гаврильев А.К.
2 м. 12-с №-дээх Үөһээ Бүлүүтээҕи Баһаарынай чаас тэрилтэтэ, салайааччы Новиков В.К., Ыксаллаах быһыы-майгы министиэристибэтин Бүлүү бөлөҕүн быыһыыр сулууспата, салайааччы Ан М.В.
3м. «Үөһээ Бүлүү улууһа» МО, баһылык Поскачин В.С. Физическай култуура уонна спорт управлениетын тэрилтэтэ, салайааччы Петров В.Т.

Ааптар: Валентина ДОГОЮСОВА

0
0
comments powered by HyperComments