Күрэхтэһии үһүс күнүгэр тустууга Саха сирин сүүмэрдэммит хамаандата алта үрүҥ уонна боруонса мэтээллэри аҕалла.
Кыргыттарга 37 кг диэри ыйааһыҥҥа финалга хапсыһыылар соһуйуох иһин, «туше» буолан кэмин иннинэ бүттүлэр. Сибииртэн кыттар Регина Миллер Урал кыыһын Дария Гордту кыайда уонна чөмпүйүөн үрдүк аатын ылла. Ксения Лиханова (Саха сирэ) уонна Энкжин Тувшинжаргал (Монголия) утарсааччыларын кыайан боруонса мэтээллэри кэттилэр.
Уолаттар ортолоругар ыарахан ыйааһыннаах Сибиир бөҕөһө Константин Пшенников атыттартан бэлиэтик туһунна. Казахстан тустуугар бастаан утаа хотторон иһэн баалынан ситтэ, оттон бүтэһигэр – туше! Онон чөмпүйүөн дьоһун аатын ылыан ылла.
«Тустуунан Кемеровскай уобаласка кыра эрдэхпиттэн дьарыктанабын. Биллэн турар, Оонньууларга кыайар ыра санаалах этим. Ол эрээри, чөмпүйүөн буолар өрөгөйүн билиэм дии санаабатаҕым. Финал күрэхтэһиитэ уустук буолла. Бастаан кыайтаран иһэммин кыайдым. Онон үөрүүм муҥура суох улахан», — диэтэ Константин Пшенников.
Саха сирин сүүмэрдэммит хамаандата алта мэтээли ылла. Үрүҥ көмүс мэтээли ыллылар: Олег Фомин ( 42 кг диэри), Дайаана Данилова (67 кг диэри). Педьестал үһүс үктэлигэр Эльшад Агаев (42 кг диэри), Уйгулаан Иванов (54 кг диэри), Ксения Лиханова (37 кг диэри), Анастасия Бочкарева (67 кг диэри).
Саха сирин хамаандата тустууга уопсайа үс кыһыл көмүс, алта үрүҥ көмүс уонна уон 12 боруонса мэтээллээх.
Казахстан бөҕөстөрө мэтээллэрин ахсаанын хаҥаталлар. Нуртилек Ондаш (42 кг диэри) уонна Айна Темиртасова (62 кг диэри) кыайыылаах үрдүк аатын ыллылар.
«Биллэн турар, ситиһиилэрбититтэн олус үөрэбит. Дьокуускайга биһигини олус үчүгэйдик көрүстүлэр. Мин бу Оонньууга иккис төгүлбүн тренердиибин. 2020 сылга өссө көрсүөхпүт. Саха сирин кытта куруук доҕордуу сыһыаннаахпыт, барыгытыгар дьолу-соругуну уонна доруобуйаны баҕарабын!», — диэн СИА-ҕа Казахстан сүүмэрдэммит хамаандатын кылаабынай тренерэ Роллан Кешубаев эттэ.
42 кг диэри ыйааһыҥҥа:
1 миэстэ — Нуртилек Ондаш (Казахстан);
2 миэстэ — Олег Фомин (Саха сирэ);
3 миэстэ — Эльшад Агаев (Саха сирэ);
3 миэстэ — Тугжарг Эрденебат (Монголия);
54 кг диэри ыйааһыҥҥа:
1 миэстэ — Чимил Жамсаранов (Сибиир ФУо);
2 миэстэ — Акежан Абдихамид (Казахстан);
3 миэстэ — Ашраф Аширов (Азербайджан);
3 миэстэ — Уйгулаан Иванов (Саха сирэ);
69 кг диэри ыйааһыҥҥа:
1 миэстэ — Константин Пшенников (Сибиир ФУо);
2 миэстэ — Шунгуз Мухаметкалиев (Казахстан);
3 миэстэ — Дю Хонг Да О (Вьетнам);
3 миэстэ — Батмагай Энхтувшин (Монголия);
37 кг диэри ыйааһыҥҥа:
1 миэстэ — Регина Миллер (Монголия);
2 миэстэ — Дария Гордт (Уральский ФУо);
3 миэстэ — Ксения Лиханова (Саха сирэ);
3 миэстэ — Энкжин Тувшинжаргал (Монголия);
48 кг диэри ыйааһыҥҥа:
1 миэстэ — Александра Прокина (Сибиир ФУо);
2 миэстэ — Айалым Туганбаева (Казахстан);
3 миэстэ — Ти Пнуон Нгуйен (Вьетнам);
3 миэстэ — Пуревтунгалаг Мунгхбат (Монголия);
62 кг диэри ыйааһыҥҥа:
1 миэстэ — Айну Темиртасова (Казахстан);
2 миэстэ — Татьяна Мочулова (Сибиир ФУо);
3 миэстэ — Туменхуслен Делгертсолт (Монголия);
67 кг диэри ыйааһыҥҥа:
1 миэстэ — Валерия Трифонова (Сибиир ФУо);
2 миэстэ — Дайаана Данилова (Саха сирэ);
3 миэстэ — Анастасия Бочкарева (Саха сирэ);
3 миэстэ — Намуунзая Батболт (Монголия);
