«Азия оҕолоро» спортивнай ооньуу уотун Саха сиригэр баар Киһилээх хайатыгар уматыы үгэскэ кубулуйуон сөп. Маннык санаа норуоттар икки ардыларынааҕы научнай конференцияҕа этилиннэ.
Конференцияҕа омук дойдуларын бэрэстэбиитэллэрэ кытыннылар. «Саха сирин Оонньууну төрүттээччи быһыытынан резолюцияҕа киллэрэр этиилээхпин. Төрүттээччи быһыытынан Оонньуу уотун куруук Саха сирин Киһилээх хайатыгар уматар баҕа санаалаахпыт», — диэн спорт миниистирэ Михаил Гуляев түмүгү таһаарар «Международные спортивные игры «Дети Азии» — фактор продвижения идей Олимпизма и подготовки спортивного резерва» конференцияҕа эттэ.
36 дойду уонна Россия 22 регионнарын дьоно Саха сирэ бу Оонньууну төрүттээбитин, ыытарын биһирээн эттилэр. Ыччат спордун сайыннарыыга анаммыт этиилэри, спортсменнары бэлэмнээһини, Олимпизм идеятын өссө да ситэриэхтэрэ уонна конференция бүтэһиктээх докумуонугар киллэриэхтэрэ.
