«Азия оҕолоро» норуоттар икки ардыларынааҕы VI-с спортивнай оонньуу уота Абыйтан Муома улууһун Кулун Өлбүт сэлиэнньэтигэр кэллэ.
Икки нэдиэлэ усталаах кэм, 1500 км эстафета кэннигэр хаалла. Абый уонна Муома улуустара ыпсар сирдэригэр баһылыгы солбуйааччы Кристина Кривошапкина салайааччылаах олохтоохтор бөлөхтөрө «Азия оҕолоро» оонньуу сүрүн бэлиэтин — оонньуу уотун үөрүүлээх быһыыга-майгыга көрүстүлэр.
Оонньуу уота Муомаҕа алта нэһилиэги кэрийиэҕэ уонна Өймөкөөҥҥө бэриллиэҕэ.
