Саха сиринээҕи тырааныспар министиэристибэтэ атыылаһыллыбыт, ити эрээри туттуллубатах авиабилет иһин төлөммүт харчыны ханнык түгэҥҥэ төннөрөллөрүн быһаарда. Ыйытыы Ил Дархан Айсен Николаев соцситимнэринэн аһаҕас эфирин кэмигэр бэриллибитэ, СИА суруйар.


Муус устар 30 күнүн кэнниттэн көтөр болдьохтоох авиабилиэттэргэ өрөспүүбүлүкэ баһылыгын ыйааҕа тарҕаммат. Авиахампаанньалар маннык билиэттэри төннөрүүгэ салгынынан айан дуогабардарыгар олоҕураллар. Онно хомуур уонна ыстыраап туһунан сурулла сылдьар.

Холобурга, муус устар 30 күнүн кэнниттэн көтүүгэ билиэт тохсунньуга дуу, олунньуга дуу атыылаһыллыбыт буоллаҕына, билиэт иһин төлөбүр харчытын ханнык эрэ чааһа төннөрүллэр. Хомуурун суумата тарыыбыттан тутулуктаах. Уруккуттан баар быраабыланан, «төннөрүллүбэт» тарыыптаахтарга харчылара төннөрүллүбэт.

Маны таһынан, муус устар 24 күнүттэн авиабилиэти төннөрөр буоллаххына, «Якутия» авиахампааньа пассажирдарга электроннай ваучер оҥортороллоругар сүбэлиир. Бу ваучерынан кэлин билиэт ылыахха сөп. Болдьоҕо биир сыл.

Ваучер суумата эмиэ тарыыптан тутулуктаах. Төннөрүллэр билиэттэр суумаларын толору ваучерга атастаһыахха сөп. Оттон «төннөрүллүбэт» билиэттэр ваучердарын суумата арыый кыччыыр:
— 5000 солк диэри тарыыптаахтарга – 1000 солкуобайынан кыра;
— 5000 солк үөһэ тарыыптаахтарга – 2000 солкуобайынан кыра.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.