1945 сыл атырдьах ыйын 6 күнүгэр Япония Хиросима куоратыгар ядернай дэлби тэптэрии түмүгэр 200 тыһынчаттан тахса киһи суох буолбута, 160 тыһынча киһи араас бааһырыыны, радиоактивнай сардаҥардыыны ылбыта. 1980 сыллаахха Францияҕа бу күн аан дойду эмчиттэрэ кыттыһан ядернай дэлби тэптэриини утаран «Аан дойду быраастара эйэ иһин» уопсастыба тэриммиттэрэ. Билигин уопсастыбаннай тэрилтэҕэ 200 тыһынчаттан тахса быраас баар, тэрилтэ салаалара аан дойду улахан дойдуларыгар тэриллэн үлэлииллэр диэн Бикипиэдьийэ кэпсиир.
Атырдьах ыйын 6 диэн Грегориан халандаарыгар сыл 218-с күнэ (ордук хонуктаах сылга 219-c күнэ). Сыл бүтүө 147 күн баар.
Бэлиэ күннэр:
- Саха итэҕэлигэр Сайыны анаарыы күнэ.
- «Аан дойду быраастара эйэ иһин» аан дойдуга бэлиэтэнэр күн.
- Хиросима күнэ — Ядернай сэрии сэбин бобуу аан дойдутааҕы күнэ[1].
Түбэлтэлэр:
- 1851 — Кытай уонна Арассыыйа Кулдьатааҕы сөбүлэҥҥэ илии баттаабыттар, бу дойдулар ыккардыларыгар атыы-эргиэн саҕаламмыт.
- 1889 — Бүтэһик бэрчээккитэ суох бокс матча ыытыллыбыт.
- 1918 — үрүҥнэр Казань куораты ылбыттар.
- 1925 — Алдаҥҥа көмүс көстүбүтэ икки сыл ааспытын кэннэ ЯЦИК быһаарыытынан Алдан уокуруга тэриллибит. Кини састаабыгар Дьокуускай уокуругуттан Алдан — Төмтөөн оройуона уонна Өлүөхүмэ уокуругуттан Тунгиир — Өлүөхүмэ оройуона киирбиттэрэ.
- 1940 — Эстония ССРС састаабыгар киирбит.
- 1945 — Аан дойду иккис сэриитэ бүтүүтүн саҕана Дьоппуоҥҥа Хиросима куоратыгар АХШ атомнай буомба бырахпыт. Хиросима барыта урусхалламмыт, 70 000 кэриҥэ киһи тута өлбүт, уонна хас да уонунан тыһыынча киһи кэлин уокка сиэтииттэн уонна радиацияттан өлбүттэр.
- 2012 — «Кьюриосити» марсоход Марска түспүт.
- 2014 — Бэрэсидьиэн Владимир Путин ыйааҕынан Арассыыйаҕа аһы-үөлү кыраныысса таһыттан киллэрии хааччахтаммыт (ЕС дойдуларыттан, США-ттан, Канаадаттан, Австралияттан уонна Норвегияттан балыгы, эти, оҕуруот аһын уонна фруктаны аҕалыы бобуллубут).
Төрөөбүттэр:
- 1844 — Яков Санников (1908 өлб.) — нуучча уонна омук полярниктарыгар сүҥкэн үтүөнү-өҥөнү оҥорбут саха атыыһыта. Хотулары аһынан-таҥаһынан хааччыйара, түүлээҕинэн эргинэрэ. Дьиэтэ Дьокуускайга Эргэ Куоракка билигин да турар. Уҥуоҕа Булуҥ улууһугар Өлүөнэ кытылыгар баар.
- 1936 — Светлана Федосеева (2017 өлб.) — археолог, РАЕН бочуоттаах академига, СӨ Академиятын чилиэнэ, устуоруйа билимин дуоктара.
- 1957 — Альбина Кычкина-Борисова — Арассыыйа үтүөлээх, Саха Өрөспүүбүлүкэтин норуодунай артыыһа.
Өлбүттэр:
- 1660 — Диего Веласкес (1599 төр.) — Испания улуу худуоһунньуга, Филипп IV хоруол придворнайа.
- 1979 — Алексей Бэрияк (1912 төр.) — бэйиэт, прозаик уонна тылбаасчыт.
