Ырыаһыт Сайсары Куо эбээлээхх эһээтэ ыал буолан бииргэ олорбуттара 50 сыл буолбутун, ону Покровскайга бэлиэтээбиттэрин туһунан сурутааччыларыгар үөрэн, киэн туттан кэпсээтэ.
Спорт миниистирэ Георгий Балакшин тапталлааҕын Екатеринаны кытта Еланкаҕа күүлэйдээтилэр. Бу туһунан Георгий кэрэ аҥаара Екатерина инста-страницатыгар таһаарда. Тапталлаахтар бу иннинэ Булууска, Күрүлүүргэ сынньаммыттара.
Хомусчут, ырыаһыт Василена Шарина бу нэдиэлэҕэ кэргэн таҕыста. Тапталлааҕынаан 2015 сыллаахха Туймаада ыһыаҕар билсибиттэр эбит. Василена кэргэн тахсаары сылдьар уола Гаврил диэн, Томпоттон төрүттээх.
Сурдлимпийскай чөмпүйүөн Василий Стрекаловскай 29 сааһын туолла. Страницатыгар чугас дьоно эҕэрдэлээн, видео оҥорон ыыппытарын таһаарбыт. Василий бу сайын иккиһин кыыс оҕоломмутун туһунан сурутааччыларыгар кэпсээн турардаах.
Саха эстрадатын “сулуһа” Игорь Егоров ыал буолла. Кини Ньурбаттан төрүттээх модель Ирина Загурная диэн кыыһы кэргэн ылла. Ирина – титуллаах кырасаабысса.
Биллэр парикмахер-стилист Николай Исак уруу киэһэтин тэрийдэ. Николай тапталлааҕынаан Екатериналыын доҕордоспуттара түөрт сыл буолбут эбит. Екатерина медицина эйгэтигэр үлэлиир.
Эстрада тыйаатырын дириэктэрэ Татьяна Чаранская даачатын тэлэһэтигэр сир астаабытын туһунан сонуну сурутааччыларыгар кэпсээбит.
Ырыаһыт Далаана дьиэ кэргэнин кытта сынньанна. Кривошапкиннар дьиэ кэргэн Москванан Турциялаабыттара.
Саха эстрадатын чаҕылхай “сулуһа” Олимпия страницатыгар дьүөгэлэрин Далаананы уонна Никаны кытта бииргэ түспүт хаартыскатын таһаарда. Үгүс истээччи кутун туппут ырыаһыт дьүөгэлиилэр кэнсиэр бэлэмнииллэрин иһитиннэрдэ.
Продюсер, ырыа айааччы, ырыаһыт Антон Иванов игирэчээн Туприналары кытта интэриэһинэй бырайыак бэлэмнииллэрин туһунан кэпсиир.
Экс-дьокутаат Афанасий Максимов ырыаһыт Лэгэнтэйдиин балыктаабыттар. Лэгэнтэй үйэтигэр туппатах улахан балыгын хаптаран үөрбүт хаартыската интэриниэт ситимин толордо.
Семен Ченянов тэрийбит “Сноу войс” бөлөҕүн уолаттара Москваҕа бааллар. Уолаттар саҥа уобарастаммыттарын үгүс дьон сөбүлээбэтэ. Кинилэр Арассыыйаҕа биллэр продюсер Алексей Голубевы кытта үлэлэһэн эрэллэр.
Динара Евсикова бэлэмнээтэ, edersaas.ru
