28 Кулун тутар 28.03
  • -13°
  • $ 92,59
  • 100,27

Ат сүүрдүүтэ: Флоренция Суола быйылгы улахан бириистэри ылла

Читайте нас на
Яндекс Новости
ЯДВ

Үс Хатыҥҥы «Дьөһөгөй» ипподромҥа Саха сирин ат спуордун федерациятын уонна «ОКС» (үгэскэ кубулуйбут лорд Дерби 1779 сыллаахха олохтообут 3 саастаах аттарга анаммыт наҕараадата) бириистэригэр ат сүүрдүүтэ буолла.


Ыраас хааннаах 28 сүүрүк аттар 800, 1000, 1600 уонна 2000 м. күрэстэстилэр. Бу сүүрдүү 2004 сылтан ыла ыытыллар.

«Быйылгы сайыҥҥы сезоҥҥа бу бүтэһик сүүрдүү. Саамай бэлиэ түгэн – «ОКС» бирииһэ. «Дерби» кыайыылаахтара – Синьорита уонна Флоренция Суола күрэстэһиэхтэрэ», — диэн СИА-ҕа бырабыыталыстыба бэрэссэдээтэлин бастакы солбууйааччы э.т. – өрөспүүбүлүкэ баһылыгын уонна бырабыыталыстыбатын дьаһалтатын салайааччы Юрий Куприянов СИА-ҕа эттэ.

Мэҥэ Хаҥалас, Чурапчы, Амма, Үөһээ Бүлүү, Сунтаар улуустарын аттара күөн көрүстүлэр.

«Куруук кыайар чопчу биир ат быйыл суох. Араас улуустартан кэлбит аттар кыайаллар. Мин ат спордун национальнай көрүҥ быһыытынан сыаналыыбын. Бу кэскилэ улахан. Предпринимателлэр, хаһаайыстыбалар салайааччылара, улуус баһылыктара төһө да ыарахаттар балларын да үрдүнэн, ат сүүрдүүтүн өйүүллэрин иһин улаханнык махтанабын», — диэн куорат мээрэ Айсен Николаев бэлиэтиир.

800 м. уһуҥҥа Британика бастаата. Кини 2014 сылга төрөөбүт, Амма Строд аатынан хаһаайыстыбатын бас билиитигэр баар. Кини бу уһуну 54,9 сөк.кэллэ. «Спринтерскэй» бириискэ Мэҥэ Хаҥалас Крек ата 1 мүн. 10,1 сөк. кэлэн кыайыы көтөллөннө.

1000 м. сүүрүүгэ 4 уонна онтан аҕа саастаах аттар ортолоругар Сунтаар Кириэстээҕин Турбо Дансер тэҥнээҕин булбата. Саха сиригэр ат спордун федерациятын бирииһэ Рокси Алекска тигистэ. Кини 2000 м. уһуну 2 мүн. 25,2 сөк. кэллэ.

1600 м. 4-тэн аҕа саастаах аттарга Дружина, Неарх уонна Санта Люсия кыттыбыттара. Хаҥалас сүүрүк ата Неарх көрүөх бэтэрээ өттүгэр кыайыы өрөгөйүн биллэ.

Сүүрдүү сүрүн бирииһэ «ОКС» иһин Флоренция Суола, Марха, Агриэлла, Синьорита и Си Си Кэтч күөн көрүстүлэр. Флоренция суола «Дерби» уонна «ОКС» бириистэрин ылан историяҕа бигэтик киирдэ.

4 уонна онтон аҕа саастаах аттар 1600 м. уһуҥҥа 2011 сылга төрөөбүт, Чурапчы улууһун бас билиитигэр баар Тускул кыайыылааҕынан таҕыста. Кини көрдөрүүтэ — 1 м. 56,7 сөк.

Следите за самым важным и интересным в Telegram-канале и WhatsApp-группе ЯСИА