Мирнэй оройуонун баһылыга Ришат Юзмухаметов Арыылаах уонна Алмазнай сэлиэнньэлэригэр сырытта. Баларга кини мунньах ыытта. Арыылаахха физкултуура комплексыгар септик уонна вентиляция өрөмүөннэниэхтэрин наада. Бу комплекска 202 киһи дьарыктанар. Стадиону тутуу ыытылла турар. Стадиоҥҥа сир учаастагын докумуонун оҥорбуттар. Нэһилиэк баһылыга Николай Григорьев суол дьааматын сабыыга эбии үп көрдөөтө.
Алмазнайга ыыппыт мунньаҕар Ришат Нургалиевич саҥа оскуола тутуутун туһунан кэпсэттэ. Аҕыйах хонугунан манна саҥа аукцион ыытыллыахтаах. Инвестбырагырааманан сүрүн болҕомто дьиэни тутууга ууруллар.
Суолу өрөмүөннээһиҥҥэ 10 мөл 306 тыһ. солк. көрүллүбүт.
СИА.
