Ил Дархан Айсен Николаев Арктика кытылынан тайаан сытар улуустар предпринимателлэрин өйүүргэ сөптөөх миэрэлэри ылалларыгар сорудахтаата. Онтон биирдэрэ чэпчэтиилээх микрозайм буолуон сөп, диэн иһитиннэрэр СИА. 


Саха сирин предпринимательствоҕа, атыыга уонна туризмҥа миниистири солбуйааччыта Максим Прокопьев эппитинэн, бу боппуруоска предпринимательствоны сайыннарыы Фондатын кытта  хас да хайысха үөрэтиллэр. Дьаһаллар арктическай улуустар предпринимателлэрин саҥа таһымҥа таһаарыыга туһуланар.

«Биир хайысхабытынан чэпчэтиилээх микрозаймнары биэрии буолар. Бу дьаһал өрөспүүбүлүкэ сиригэр-уотугар үлэлиир биирдиилээн предпринимателлэргэ, бааһынай хаһаайыстыбаларга, ТХПК уонна ХЭТ-гэ тарҕанар. Микрозаймынан үлэлэригэр оборудование ылыныахтарын эбэтэр харчыларын эргиирин толоруохтарын сөп«, — диэн иһитиннэрдэ Прокопьев.

Хаарчахтааһыннар бааллар. Ол эбэтэр бу чэпчэтии хайа бизнеһигэр уонна сертификаттаах бородууксуйаны (холобур, арыгы атыыта) тарҕаммат.

Микрозайм сыллааҕыта 6%-ҥа 60 ыйга бэриллэр, суумата 5 мөл.солк. тиийиэн сөп.

0
0
comments powered by HyperComments