Бүгүн, атырдьах ыйын 3 күнүгэр, Одинцово куоракка Дьокуускай бириэмэтинэн 17-00 чаастан көҥүл тустууга Арассыыйа чөмпүйэнээтэ саҕаланар. Бастакы күн көбүөргэ 57, 65, 74 уонна 97 кг ыйааһыннар тустууктара тахсыахтара.


Быйылгы түһүлгэҕэ 65 киилэҕэ диэри ыйааһыҥҥа түөрт саха бөҕөһө кыттар. Сэрэбиэй обургу бастакы эргииргэ Саха сирин сүүмэрдэммит хамаандатын хапытаанын, Арассыыйа хас да төгүллээх призерун Виктор Рассадины бу ыйааһын бүгүҥҥү күҥҥэ биир күүстээх тустуугунан ааҕыллар, байыаннай сулууспалаахтар ортолоругар аан дойду үс төгүллээх чөмпүйүөнүн Начын Куулары кытта түбэһиннэрдэ. Былырыын Виктор Куулары иккитэ кыайан турар: Иван Ярыгин турнирыгар 12:3 ахсаанынан баһыйа туппута, оттон Нефтеюганскай көбүөрүгэр үрүҥ хараҕын өрө көрдөрбөтөҕө — 11:0. Онтон ыла биир сыл ааста, этэргэ дылы, хара тураах маҥхайар кэмэ. Хайалара хотуоҕун бүгүн киэһэ билиэхпит.

Арассыыйа 2016 сыллааҕы чөмпүйүөнэ Егор Пономаревпыт Баяр Цыреновы(Бурятия), Коркин турнирын былырыыҥҥы финалиһа Дьулустаан Булатовпыт Артур Бадтиевы (Москва) кытта күөн көрсүөхтэрэ. Оттон эдэрдэргэ Арассыыйаҕа бастыыр иһин күрэхтэһии 2015 сыллааҕы призера Иван Ефремовпыт тута аан дойду, Европа призера Ахмед Чакаевка түбэстэ.

Роман Попов

65кг

Финал 1/16

Куулар — РАССАДИН

Абасов — Джалиев

Аджиев — Нурадинов

Джамалдинов — Магомедов М.Дедегкаев — Омаев

Бадтиев — БУЛАТОВ

Нуридинов М — Гойгереев

Цыренов — ПОНОМАРЕВ

ЕФРЕМОВ — Чакаев

Шарастепанов — Валиев Э

Джугелия — Ионов

Рашидов Ш — Касумов

Ондар — Мусаджиев

Каримудинов — Будажанаев

Дулаев —

Квалификация

Ахмедов — Жендаев

Джалилов — Шахгириев

Магомедов Р — Есин

Хаартыска Интэриниэттэн ылылынна.

0
0
comments powered by HyperComments