29 Кулун тутар 29.03
  • -10°
  • $ 92,26
  • 99,71

Арассыыйаҕа Уһук Илин салгынынан таһааччыларын холбоһуга тэриллэр

15:05, 13 октября 2020
Текст:
Читайте нас на
Яндекс Новости
ЯДВ

Арассыыйаҕа Уһук Илин салгынынан таһааччыларын холбоһуга (Союз дальневосточных авиаперевозчиков) тэриллэрин туһунан «Россия 24» ханаалга кэпсээтилэр. Ил Дархан Айсен Николаев этиитэ билиҥҥи кэмҥэ тоҕоостооҕун эттилэр.


«2019 сыл ахсынньытыгар дойду бэрэсидьиэнэ Владимир Путин Уһук Илиҥҥэ биир авиахампаанньа тэрийэр туһунан этии киллэрэргэ сорудахтаабыта. Хампаанньа «Тайҕа» диэн ааттаах буолуо итиэннэ Уһук Илиҥҥэ эрэ көтөр аналлаах буолуо», — диэн сюжекка кэпсээтилэр.

Хампаанньа 500 социальнай хайысханан 400 нэһилиэнньэлээх пууну ситимниэ.

Саҥа тэриллэр холбоһукка «Якутия», «Полярные авиалинии», «Алроса», «Аврора», «Камчатское авиационное предприятие», «Хабаровские авиалинии», «Авиашельф» хампаанньалар киириэхтэрэ.

«Холбоһук биир салайар кииннээх буолуо. Онно тарыыбы олохтуохтара, маршруттары толкуйдуохтара. Кылаабынайа — айанньыттар сырыыларын чэпчэтии, табыгастаах оҥоруу, холбоһукка баар авиахампаанньалар биир тэрилтэ курдук үлэлииллэрэ буолар«, — диэн Айсен Николаев быһаарда.

Маны таһынан Ил Дархан лүөччүктэри уонна тэхиниичэскэй эксплуатацияны хааччыйар киини тэрийэри этэр.

Авиахампаанньалар холбоһуктара макрорегион иһигэр айан суолун табыгастаах оҥорор, билиэт сыанатын чэпчэтэр итиэннэ олохтоох сөмөлүөттэри туһанар соруктаах.

Сиһилии манна аах https://ysia.ru/ajsen-nikolaev-prokommentiroval-informatsiyu-o-sozdanii-soyuza-dalnevostochnyh-aviakompanij/

Следите за самым важным и интересным в Telegram-канале и WhatsApp-группе ЯСИА