Сарсын, ол эбэтэр, сэтинньи 28 күнүгэр «Восточнай» космодромтан «Метеор-М» аргыстаах иккис «Союз-2.1б» аракыата ыытыллыахтаах. Аракыата тобохторо Бүлүү уонна Алдан оройуоннарын сиригэр-уотугар түһүөхтээхтэр.
Алдан оройуонугар аракыата тобохторо түһүөхтээх сирдэрин үөрэтэр, чинчийэр анал биригээдэ бүгүн үлэтин саҕалаата. Үс сиринэн түһүөн сөбүн сабаҕалыыллар.
Былырыын муус устар 28 күнүгэр көппүт «Союз-2.1а» аракыата тобоҕо түһүөн иннинэ уонна түспүтүн кэннэ Алдаҥҥа, Бүлүүгэ оҥоһуллубут чинчийиилэр хаартан, ууттан уонна сиртэн ылыллыбыт боруобаларга туох да уларыйыы суоҕун көрдөрбүтэ.
Алтынньы саҥата “Роскосмос” бэрэстэбиитэллэрэ сэтинньигэ көтүөхтээх аракыата тобохторо түһүөхтээх Бүлүү уонна Алдан улуустарыгар сылдьан, тулалыыр эйгэттэн уу, буор боруобаларын ылбыттара.
