Нам оройуонун Аппаанытыгар икки дьахтар балаҕан ыйын 17 күнүгэр сарсыарда отоннуу барбыттар уонна күн баччатыгар диэри суохтар. Аймахтара уонна чугас дьоно түрүбүөгэ тардаллар. Бүгүн көрдөөһүҥҥэ Саха сирин быыһыыр сулууспатын исписэлиистэрэ  кыттыһаллар диэн СИА иһитиннэрэ. 


Аппааны олохтоохторо бэйэлэрин күүстэринэн сүппүт биир дойдулаахтарын көрдүүллэр — тыас таһаараллар, кэрийэллэр. Ол түмүгү биэрбэтэ. Түүн массыынаны дьуһуурустубаҕа хааллараллар,  сарсыарда 8 чаастан баҕа өттүнэн көрдөөччүлэр үлэлэрин салгыыллар.

«Дьахталлары бүгүн 11 бөлөх көрдүүр. 62 киһи. Быыһыыр сулууспа кыттыһар«, — диэн оройуоннааҕы ЕДДС иһитиннэрдэ.

Сулууспа этэринэн, Аппааныга икки кинолог, биир беспилотник уонна биэс быһааччы үлэлэрин саҕалаатылар.

0
0
comments powered by HyperComments