29 Кулун тутар 29.03
  • -13°
  • $ 92,26
  • 99,71

Антон Сафронов Үтүө дьулуур сылыгар урбаанньыкка көмөлөстө

11:29, 18 апреля 2018
Текст:
Читайте нас на
Яндекс Новости
ЯДВ

Муус устар 6 күнүгэр СӨ инвестицияны сайыннарыыга уонна предпринимательствоҕа миниистэрэ Антон Сафронов Үөһээ Бүлүүгэ улуус урбаанньыттарын кытта көрсүбүтэ.

Көрсүһүүгэ олохтоох оҥорон таһаарыыны хайдах сайыннарыыттан саҕалаан туризм, дьоҕус  уонна орто урбаан боппуруостарыгар тиийэ кэпсэппиттэрэ. Урбаанньыттар саҥа тэриллиэхтээх пуонда хайдах үлэлиэхтээҕин, механизмнарын ыйыппыттара. Миниистир барытын сиһилии кэпсээбитэ.
Тэрээһин түмүгэр, улууска урбааны сайыннарыыга үтүө суобастаахтык үлэлээбит, үлэлиир дьоҥҥо наҕарааданы туттарыы буолбута. Кинилэр ортолоругар улууска аан бастакынан урбааны саҕалаабыт Валентина Егорова эмиэ баара. Уопуттаах урбаанньыт миниистиргэ атыыны-эргиэни сайыннарыыга, бытовой сыахтары үлэлэтиигэ сөптөөх этиилэри эппитэ. Миниистир Антон Сафронов ону учуоттаан уонна бу төһө эмит саастаах киһи урбаан эйгэтигэр күүс-көмө, сүбэһит буола сылдьарын ытыктаан, тус бэйэтин үбүн утары ууммута. Валентина Егорова олус үөрбүтэ, мустан олорор дьон ытыстарын таһыммыттара.
Маны сорох информацияны киэҥник тарҕатар ситимнэр атыҥҥа ханарытан суруйбуттара бэрдэ суох. Антон Сафронов командировкаҕа сылдьар кэмигэр кыһалҕалаах дьон боппуруостарын быһаарыыга төһө кыалларынан көмөлөһө сатыыр. Өссө материальнай көмөнөн эмиэ. Манна киһи омнуолуура туох даҕаны суох. Дьиҥэр, ким баҕарар тугунан баҕарар көмөлөһүөн сөп буоллаҕа. Ол киһи бэйэтин баҕата. Аны туран, 2018 сыл дойду үрдүнэн Үтүө дьулуур, санаа сылынан биллэриллибитэ.

Валентина Егорова, урбаанньыт, 75 саастаах:
— Миниистир көмөлөспүтүттэн олус үөрбүтүм, долгуйбутум. Антон Сафронов чахчы саастаах дьону ис сүрэҕиттэн ытыктыырын, убаастыырын көрдөрдө. Киниэхэ инники үлэтигэр ситиһиилэри баҕарабын.

Александр Тарасов, Үөһээ Бүлүү.

Следите за самым важным и интересным в Telegram-канале и WhatsApp-группе ЯСИА