29 Кулун тутар 29.03
  • -10°
  • $ 92,26
  • 99,71

Антимонопольнай сулууспа ирдэбилинэн ГУП-тар, МУП-тар ахсааннара аҕыйыа

18:38, 26 июля 2018
Текст:
Читайте нас на
Яндекс Новости
ЯДВ

РФ көҥүл күрэстэһиини сайыннарар национальнай былаанын толордоххо экономика, дьоҕус уонна орто урбаан сайдыа, дьон олоҕун таһыма тупсуо этэ диэн Ил Дархан э.т. Айсен Николаев иһитиннэрдэ. Ол чэрчитинэн СӨ Бырабыыталыстыбата уонна ФАС (федеральнай антимонопольнай сулууспа) эрэгийиэҥҥэ былааны толорууга сөбүлэһии түһэристилэр.

Дойду бэрисидьиэнин ыйааҕынан 2020 с. диэри былаас уорганнара антимонопольнай сокуону кэһиилэрэ икки бүк кыччыахтаах. Онтон судаарыстыбаннай уонна муниципальнай тэрээһиннэр дьоҕус уонна орто урбаанньыттартан атыылаһар сакаастарын 18% тиийэ үрдэтиэхтээхтэр. РФ көҥүл күрэстэһиини сайыннарар национальнай былаанын быһыытынан, судаарыстыба тэрийэр уонна хонтуруоллуур тэрилтэтин ахсаана биллэ аччыахтаах.

Ил Дархан э.т. Айсен Николаев этэринэн, РФ Бэрисидьиэнэ туруорбут соругун ситиһэргэ чөл туруктаах дьыалабыай эйгэҕэ көҥүл урбаан уонна күрэстэһии Уһук Илин эргимтэҕэ дьон олоҕун таһымын үрдэтэргэ сөптөөх усулуобуйаны тэрийиэ.

ФАС салайааччытын солбуйааччы Андрей Цариковскай: «40-ча хайысхалаах былаан бастатан туран нэһилиэнньэ олоҕун тупсарыахтаах уонна экономика сайдыытыгар төһүү күүс буолуохтаах. Ону олоххо киллэрэргэ РФ субъектарыгар ахсынньы 1 күнүгэр диэри дорожнай карта оҥоһуллуоҕа».

Бу былааны оҥорорго судаарыстыба араас МУП, ГУП тэрилтэлэри тэрийэн, монополист балаһыанньатын тутан олорон, көҥүл күрэстэһиини хааччахтаан, атыы-эргиэн өттүгэр кэккэ кыһалҕа баара сүрүн төрүөт буолла.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА