Андрей Турчак Саха сиригэр дьоҕус авиацияны сайыннарыыга үлэлэһиэ

0
98

«Биир ньыгыл Арассыыйа» баартыйа Генеральнай сэбиэтин сэкирэтээрин эбээһинэһин толорооччу Андрей Турчак, кини солбуйааччыта, Судаарыстыбаннай Дума дьокутаата Виктор Селиверстов уонна дьокутаат Евгений Ревенко Саха сиригэр оробуочай сырыылара салҕанар.


Уһук Илин эрэгийиэнигэр биһиги өрөспүүбүлүкэбит дьоһун бэлитиическэй суолталаах буолан, Андрей Турчак эрэгийиэннэргэ дьыалабыай сырыытын Саха сириттэн саҕалаата. Турчак баартыйа 85 эрэгийиэннэрдээҕи салааларыгар барыларыгар сылдьар былааннаах.

Федеральнай дэлэгээссийэ күн бастакы аҥаарыгар Ил Дархан Егор Борисовы кытары көрүстэ. Ол кэнниттэн баартыйа салайааччыта олохтоох суруналыыстар ыйытыыларыгар хоруйдаата. Андрей Турчак Уһук Илин экэниэмикэтин уонна нэһилиэнньэ олоҕун тупсарыы баартыйа сүрүн сыалынан уонна соругунан буоларын бэлиэтээтэ.

– Дойду бэрэсидьиэнэ уонна бырабыыталыстыба бу боппуруоска сүрүн болҕомтотун уурар. Онон «Биир ньыгыл Арассыыйа» баартыйа эмиэ туора турбакка, бу хайысхаҕа үлэлэһэр былааннаах. Эһиги өрөспүүбүлүкэҕитигэр дьоҕус авиацияны сайыннарыы боппуруоһа сытыытык турар. Баартыйа олохтоох салаата бу хайысханан үлэлэһиэн наада. Бу туһунан биһиги Александр Ноговицыны кытары бүгүн кэпсэттибит, – диэн салгыы эбэн эттэ.

Бүгүн дэлэгээссийэ Нам улууһугар үлэлиэ. Хамаҕаттаҕа спортивнай комплекс үлэтин билсиэхтэрэ. Ол курдук, туһааннаах эбийиэк 2014 сыллаахха тутуллан, баартыйа спортивнай мал-сал атыылаһыытыгар 14 мөл. солк. көрбүтэ.

0
0
[the_ad_group id="742"]