Бырабыыталыстыба бэрэссэдээтэлин э.т. Андрей Тарасенко саҥа үөрэх дьылыгар бэлэм туһунан туһааннаах министиэристибэлэри, улуус баһылыктарын, оскуола дириэктэрдэрин кытары видео-сибээс көмөтүнэн мунньахтаата. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Мунньахха саҥа үөрэх дьылыгар коронавирус дьаҥынан сибээстээн бэлэм, баһаартан харысхаллаах буолуу, оттукка бэлэм, учууталларынан хааччыллыы, оҕо аһылыгын тэрийии курдук боппуруостары көрдүлэр. Андрей Тарасенко саҥа үөрэх дьылын көрсө элбэх үлэ барбытын бэлиэтээтэ.
Кини пандемия кэмигэр оскуолалар истэригэр оҕолор кэлэр-барар кэмнэрин чуолкайдаан, учууталларга, төрөппүттэргэ билсиһиннэрэ биэрэри эттэ.
Салгыны ыраастыыр тэриллэр харчыларын үөрэх министиэристибэтэ өрөспүүбүлүкэ бүддьүөтүттэн оскуолалар атыыласпыттарын кэннэ төлүөҕэ диэн бырабыыталыстыба бэрэссэдээтэлин солбуйааччы э.т. Сергей Местников эттэ.
