Андрей Панов промышленность уонна геология миниистиринэн ананна

0
43

Егор Борисов ахсынньы 13 күнүнээҕи быһаарыытынан Андрей Панов промышленность уонна геология миниистиринэн ананна.


Ил Дархан ситэриилээх былаас уорганыгар уларытыылары киллэрэр, ити түмүгэр промышленность уонна геология министиэристибэтэ үөскэтилиннэ.

Андрей Анатольевич Панов 1976 сыллаахха атырдьах ыйын 8 күнүгэр САССР Дьокуускай куоратыгар төрөөбүт.

1998 сыллаахха Новосибирскайдааҕы государственнай тутуу-архитектура университетын бүтэрбит. “Теплогазоснабжение и вентиляция “ идэтин ылбыт. 2002 сыллаахха – РФ бырабыыталыстыбатын салалтатынан үлэлиир үп-харчы академиятыгар “Финансы и кредит “, 2011 сыллаахха Иркутскайдааҕы государственнай университет “Геология нефти и газа” идэлэри ылбыт.

1998-1999 сс. – Мииринэйгэ «АЛРОСА» АК ОДьКХ хапытаалынай өрөмүөнүн салаатыгар 1 категориялаах инженеринэн үлэлээбит;

1999-2005 сс. – Мииринэйгэ «АЛРОСА» АК диверсификацияҕа отделын тутаах инженерэ;

2005-2008 сс. – Мииринэй МТ «ОДьКХ управлениетын» дириэктэрэ;

2008-2012 сс. – Гааһы хостуур уонна оҥорон таһаарар управление начальнигын солбуйааччы — “АЛРОСА-Газ” производственнай-диспетчерскэй сулууспа начальнига (Мииринэй к.);

2012-2013 сс. – Мииринэй баһылыгын ОДьКХ, сир уонна баай-дуол боппуруостарыгар солбуйааччыта.

2013 сыл сэтинньи 28 күнүттэн – СӨ промышленноһын миниистирэ.

Кэргэннээх, икки оҕолоох.

0
0

Хоруй суох

Хоруйдаа