Госдуума дьокутаата Анатолий Тихомиров Саха сирин Ил Дархана Айсен Николаев таһаарбыт “Саха Өрөспүүбүлүкэтин социальнай-экономическай сайдыытын стратегическай хайысхаларын туһунан” ыйааҕын туһунан санаатын үллэһиннэ.

Анатолий Тихомиров Арассыыйа бэрэсидьиэнин ыйаахтарын толоруу чэрчитинэн Айсен Николаев Саха сирин сайдыытын стратегиятын торумнаабытын бэлиэтээтэ.

“Владимир Путин ыйаахтарыгар сөп түбэһиннэрэн, Уһук Илини сайыннарыы боппуруостарын быһаарыы бу сир-уот экэнэмиичэскэй сайдыытын эрэ буолбакка, Уһук Илин олохтоохторун олохторун таһымын үрдэтиигэ туһуланар. Бүгүн Уһук Илиҥҥэ олох хаачыстыбата Арассыыйа орто таһымынааҕар намыһах. Ол иһин Арассыыйа бэрэсидьиэнин “Арассыыйа Федерациятын сайдыытын национальнай сыалларын уонна стратегическай соруктарын 2024 сылга диэри кэмҥэ сайдыыта” ыйааҕар сайдыы үгүс хайысхалара, ол иһигэр бастатан туран, Арассыыйа судаарыстыбатын социальнай туруга сорох сирдэри-уоттары стратегическайдык сайыннарыы боппуруостарын быһаарыыны эрэйэр. Бүгүн Уһук Илиҥҥэ бу боппуруостары быһаарыыга үлэлииллэр. Маннык докумуон Саха Өрөспүүбүлүкэтин сиригэр-уотугар тахсыбыта дьоһун суолталаах”, — диэн бэлиэтээтэ кини.

Анатолий Тихомиров Айсен Николаевы “судаарыстыбаннай регионнааҕы менеджердэр саҥа көлүөнэлэрин чаҕылхай бэрэстэбиитэлинэн” ааттаата.

“Дойду салалтата бүгүн маннык көрүүлээх салайааччыларга наадыйар. Эдэрдии эрчим уонна уопут, ураты толкуй, инники кэскили толкуйдааһын, кэм ирдэбиллэригэр сөп түбэһии – бүгүн Арассыыйа бэрэсидьиэнэ чопчулаабыт дойду сайдыытын соруктарын миэстэтигэр үлэҕэ киллэрэр дьоҥҥо турар ирдэбил”

Судаарыстыба баһылыгын уонна Саха сирин Ил Дарханын ыйаахтарын тус-туспа көрөрбүт табыллыбат. Иккис бастакы сорукка тирэҕирэр. Инфраструктураны, науканы сайыннарыы, экэниэмикэ секторын үүнүүтэ, оҥорон таһаарыыны саҥардыы, үлэ оҥорумтуотун үрдэтии, нэһилиэнньэ дохуотун икки төгүл үрдэтии түмүгэ – региоҥҥа дьон олоҕун таһымын үрдэтии буолар”.

Госдуума дьокутаата Анатолий Тихомиров өрөспүүбүлүкэ баһылыгар Айсен Николаевка ыйаахха ыйыллыбыт стратегическай соруктары толорууга ситиһиини баҕарда.

0
0
comments powered by HyperComments