Анаабырдааҕы тыа хаһаайыстыбатын управлениетын салайааччытын э.т. Туйара Николаева иһитиннэрэринэн, барыта 20862 таба баар. Бу туһунан дьаһалта пресс-сулууспата суруйда.
Анаабыр улууһугар 20862 төбө баар. Хаһаайыстыбаларынан:
— И.К. Спиридонов аатынан МУТ – 15042
— “Арктика” МУТ – 2104
— “Большой Бегичев” родовой общинаҕа – 861
— “Балыксыт” – 1035
— “Сэдэмэ” – 538
Ыстаадаларга 9 биригэдьиир, 35 чуум үлэһит уонна 47 табаһыт үлэлиир. Саамай эдэр табаһыт Ануфрий Туприн, онтон саамай уопуттаах, сатабыллаах табаһыт Валериан Николаевич Попов.
Кэнники кэмҥэ ыстаадаҕа бөрөлөр буулаабыттар. Табаһыттар барыта 8 бөрөнү бултаабыттар.
Ааспыт сылга «Эдэр табаһыттар» анал бырагырааманан олорор дьиэни тупсарыыга Геннадий Туприн уонна Степан Туприн киирсибиттэр. Геннадий 56 кв иэннээх дьиэтин холлоҕоһун маһа тиэллэн кэлбит. Степан дьиэтин өрөмүөнүгэр туһаммыт, суруйда соцситимнэргэ улуус пресс-сулууспата.
