28 Кулун тутар 28.03
  • -13°
  • $ 92,59
  • 100,27

Амма улууһун икки оскуолатыгар “Точка роста” кииннэрэ арылыннылар

09:50, 25 сентября 2019
Текст:
Читайте нас на
Яндекс Новости
ЯДВ

Амма улууһугар  “Үөрэхтээһин” национальнай бырайыак олоххо киириитин биир кэрчигэ саҕаланна. Үөрэнээччилэр техническэй өртүнэн билиилээх буолан тахсалларыгар олук ууруллар.


Амма улууһун икки оскуолата бары ирдэбиллэргэ сөп түбэһэннэр өрөспүүбүлүкэ үрдүнэн арыллыбыт 54 “Точка роста” диэн цифровой уонна гуманитарнай хайысхалаах федеральнай үөрэхтээһин ситимнэрин кииннэрин аһар кыахтаннылар. Ол курдук бүгүн, Арассыыйа бары регионнарыгар аһыллыбыт кииннэри кытта тэбис тэҥҥэ Болугурга  уонна Амма 1№-дээх оскуолатыгар «Үөрэхтээһин» национальнай бырайыак биир түһүмэҕэ саҕаланна.

Улууспут икки оскуолатыгар эбии үөрэхтээһиҥҥэ анаммыт кииннэр  арыллыбыттара наһаа үчүгэй. Маннык кииннэргэ оҕолор  уруокка үөрэтиллибэт эрээри, олоххо наадалаах хайысхаларга уһуйуллаллар. Кииннэргэ оҕолор дьарыктарыгар анаан сыаналаах оборудованиелар кэллилэр. Манна бэлэмнэнэн учууталлар үөрэннилэр, семинардардары  ыыттыбыт. Бу үөрэхтэргэ аҥардас үөрэнээччилэр эрэ буолбакка, нэһилиэнньэ кытта кэлэн үөрэниэн сөп. Ону сэргэ ыаллыы сытар нэһилиэктэр оскуолаларын оҕолоро кэлэн  эмиэ дьарыктаныахтарын сөп. Уопсайынан бу кииннэр арылланнар үөрэх ситимигэр сэргэхситиини киллэриэхтэрэ, оҕолор аныгы технологиялары баһылыылларыгар көмө буолуохтара диэн бигэ эрэллээхпит”, — диэн этэр улуустааҕы үөрэх управлениетын начальнига Юрий Шишигин.

Үөрүүлээх арыллыыларга улуус салалтата сылдьан эҕэрдэтин тириэрдэн, дьаһалта аатыттан миэбэл ылыныыга сертификаттары туттарда. Киин кабинеттарыгар квадрокоптердары көтүтэргэ үөрэтии, бастакы көмөнү оҥорууга араас средствалар, 3Д моделирование, роботехника набордара уо.д.а техникалар  бааллар. Оҕолор бары харахтара чаҕылыһан, барытын тутан-хабан, бэртээхэй саахымат дуоскаларыгар астына оонньоотулар. Онтон болугурдар киин аһыллыытыгар анаан үөрэнээччилэргэ “Точка роста” диэн минньигэс торт оҥорон соһуччу бэлэх оҥордулар.

Сиһилии бу кииннэр тустарынан “Амма олоҕо” хаһыакка ааҕаарыҥ.

Ааптар: “Амма олоҕо” хаһыат, http://ulus.media

Следите за самым важным и интересным в Telegram-канале и WhatsApp-группе ЯСИА