Сэбиэскэй кэмҥэ тэрилтэлэр хаһаайыстыбаларга хаар түһэриитигэр, хотон сыбаҕар субуотунньук быһыытынан көмөлөһөллөрө. Ол кэнники умнуллан испитэ. Ол эрээри бу үтүө бачыымы аммалар кэнники сөргүтэн эрэллэр.
Чакыр нэһилиэгэр баар тэрилтэлэр, ол курдук «Ньургуьун» уһуйаан, нэһилиэк дьаһалтата, баһаарынай чаас уонна култуура киинин үлэһиттэрэ «Кэскил» хаһаайыстыба кыстык хотоннорун сыбаатылар. Күүстээх субуотунньук Хомсомуол 100 сыллаах өрөгөйдөөх үбүлүөйүгэр ананна.
— Сыл аайы маннык «Кэскил» хаһаайыстыбабытын өйөөн суббуотунньукка бука бары тэрилтэлэрбитинэн көхтөөхтүк кыттабыт. Инникитин даҕаны маннык тэрээһиннээх суббуотунньуктар буолуохтара. Хаһаайыстыба үлэтэ чэпчииригэр, аныгылыы олоххо ирдэнэр саҥа хотон тутулларыгар Чакыр нэһилиэгин олохтоохторо туруорсабыт, эрэнэбит, — диир нэһилиэк дьаһалтатын исписэлииһэ Мария Шепелева.
Ааптар: Наталья Бубякина
