28 Кулун тутар 28.03
  • -13°
  • $ 92,59
  • 100,27

Аммаҕа Киристэпиэл дэгэрэҥэ дьиэрэйдэ

18:59, 12 декабря 2018
Текст:
Читайте нас на
Яндекс Новости
ЯДВ

Аммаҕа «Дьиэрэһитэр дэгэрэҥ» түһүлгэтин Христофор Максимов фондата, «Соморсун нэьилиэгэ» МТ дьаһалтата көҕүлээн ыыттылар. Ырыа күрэҕэр бэйэлэрин холоно, күөн көрсө 20-тэн тахса ырыаһыт оҕо, улахан киһи муһунна. Күрэхтэһии оҕо уонна улахан дьон диэн арахсан ыытылынна.


Аммаҕа саха дьонун таптыыр ырыаһыта Христофор Максимов кэриэһигэр дэгэрэҥ ырыа күрэҕэ ыытылынна. Дьүүллүүр сүбэ састаабыгар Х. Максимов Фондатын чилиэннэрэ Христофор Максимов улахан уола Иннокентий Максимов, Өксөкүлээх Өлөксөй аатынан Норуоттар доҕордоһууларын дьиэтин сүрүн специалиһа, Фонда чилиэнэ Саргылана Адамова, ”Ымыылаах чыычаах” үрүҥ көмүс бэлиэ хаһаайына Николай Протасов уонна Фонда эдэр чилиэнэ, Х.Максимов 100 сыллаах өрөгөйдөөх ыһыаҕын Гран-при хаһаайына Василий Новоприезжайбааллар.

Кыттааччылар дэгэрэҥ хайысхаҕа икки ырыанан күөн-көрүстүлэр: биир ырыалара Христофор Максимов, иккис ырыалара сахалыы дэгэрэҥ ырыа. Киһи үөрэрэрэ баар, бу киэһэ мелодист олох ыллана илик “Таптыыр уолбар”, “Төһүү дьон холкуостар” диэн ырыалара сыанаттан иһилиннэ. Барыта 15 оҕо, эдэр ыччат ону тэҥэ 6 улахан дьон Амма, Ньурба, Таатта, Уус Алдан улуустарыттан уонна Дьокуускай куораттан кыттыыны ыллылар. Тымныыны тымныы диэбэккэ Ньурба курдук ыраах улуустан кэлэн кыттыбыттара киһини үөрдэр.

Дьүүллүүр сүбэ күөн күрэстэр быыстарыгар кыттааччылары кытта сүбэ мунньах, санаа атастаһыытын ыытта, кэлэр тэрээһиннэр тустарынан баҕа санаалары иһиттэ. «Ол курдук, дэгэрэҥ ырыаҕа ситимин быспакка Амма сиригэр-уотугар нэһилиэктэринэн маннык күрэхтэри ыыта туралларыгар, Христофор Максимов өссө да ыллана илик ырыаларын киэҥ эйгэҕэ таһааралларыгар диэн этиилэр этилиннилэр», — диэн дьүүллүүр сүбэ чилиэнэ Саргылана Саввична санаатын үллэстэр. Күрэхтэһии түмүгүнэн Гран при хаһаайынынан Уус Алдан Кэптэнититтэн Василий Местников буолла. Оҕолорго бастакы степеннээх ларуеат аатын Абаҕаттан Ньургун Эверстов, 2-с степеннээх лауреат Соморсунтан Семен Борисов, 3-с степеннээх лауреат Кэптэниттэн Иван Колодезников, онтон 1-кы степеннээх дипломанынан Дьокуускайтан Роберт Гаврильев, 2-с степеннээх дипломант Соморсунтан Карина Лебедева, 3-с степеннээх дипломанынан Дьокуускайтан Ванесса Васильева буоллулар. Маны сэргэ анал ааттар ананнылар: “Эйээрэр кылыһах”- Олеся Антонова (Ньурба), “Киристэпиэл кэскилэ” – Оксана Жиркова (Мээндиги), Кэскилээнэ Протасова (Соморсун).

Улахан дьоҥҥо 1-кы степеннээх лауреат аатын Найахыттан Ньургуяйаана Никитина, 2-с степеннээх лауреат Абаҕаттан Вера Неустроева, 3-с степеннээх лауреат Сулҕаччыттан Роза Винокурова, онтон 1кы степеннээх дипломанынан Тааттатан Матрена Порядина, 2-с степеннээх дипломанынан Покровкаттан Владимир Дедюкинбуолан ырыа түһүлгэтиттэн кыайыы көтөллөөх бардылар.

Ааптар: Наталья Бубякина, «Амма олоҕо» хаһыат

Следите за самым важным и интересным в Telegram-канале и WhatsApp-группе ЯСИА