Аммаҕа «Биир ньыгыл Арассыыйа» политическай баартыйа көмөтүнэн икки ВИА бөлөҕө арыллыа. Бырагыраамаҕа кыттан Эмис уонна Соморсун нэһилиэктэр култуураларын киинигэр бэртээхэй музыкальнай инструменнары ыллылар. Билиҥҥи курдук үп-харчы кырыымчык кэмигэр маннык Граннарга кыттан, нэһилиэккэ, кини култуурунай олоҕор улахан көмөнү ылыы атыттарга холобур буолуон сөп.  


Аммаҕа «Биир ньыгыл Россия» баартыйа уонна СӨ култууратын министиэристибэтин Граннара нэһилиэнньэ култуурунай олоҕор сэргэхситиини таһаардылар. Соторутааҕыта Эмис уонна Соморсун нэһилиэктэригэр үөрүүлээх түгэн тосхойдо. «Былырыын Саха Өрөспүүбүлүкэтин култууратын министерствотын, «Биир ньыгыл Арассыыйа» партия Федеральнай Гранын кыайан нэһилиэкпит култууратын дьиэтигэр саҥа кириэһилэлэри ылбыппыт, онтон быйыл эмиэ ити бырайыакка кыттан 850 000 солк. суумалаах субсидия ылан музыкальнай уонна световой аппаратураны, ону таһынан вокальнай-инструментальнай ансаамбыл толору кэмпилиэгин хомуйан үөрүүбүт улахан», — диэн Соморсун нэһилиэгин баһылыгын солбуйааччы Надежда Белолюбская санаатын үллэстэр.

Эмис нэһилиэгин баһылыгын солбуйааччы Дария Захарова Граҥҥа кыттыыларын бу курдук үллэстэр: «Быйыл саас Екатерина Захарова — Саха Күөрэгэйэ аатынан Эмистээҕи култуура киинэ материальнай техническэй баазатын хаҥатар туһуттан өрөспүүбүлүкэбит култууратын министерствотын, «Биир Ньыгыл Россия» партия федеральнай куонкурсугар кыайан 860 000 суумалаах субсидияҕа тиксэн үөрүүбүт үксээтэ.

Үйэ чиэппэрэ буолан баран «Үрүҥ түүн» ВИА саҥа музыкальнай аппаратураны ылынна уонна 375 000 суумаҕа миэбэл саҥардылынна. Онон махталбыт улахан. Инникитин да «Биир Ньыгыл Россия» баартыйа тыа сиригэр олох- дьаһах тупсарыгар, дьон-сэргэ сынньалаҥын сөптөөхтүк тэрийэргэ олох ирдэбилигэр сөп түбэһиннэрэн күүс-көмө , өйөбүл буола турдун».

Ааптар: Наталья Бубякина

0
0
comments powered by HyperComments