Амма Чакырыгар «Көлүөнэ кэрэһиттэрэ» диэн дьиэ кэргэн күрэҕэ үс көлүөнэни түмтэ. Куонкуруска эбээ, ийэ, кыыс оҕо буолан кытыннылар. Дьиэ кэргэни бөҕөргөтөр уонна сайыннарар сыаллаах күрэхтэһиини Чакыр нэһилиэгин култууратын киинэ, дьахталларын сэбиэтэ, «Россия ийэлэрэ» уопсастыбаннай хамсааһын тэрийэн ыыттылар.
Амма Чакырыгар үс көлүөнэ кэрэ аҥардар дьиэ кэргэн чиэһин көмүскээтилэр. Куонкурус алта түһүмэхтээх этэ: бэйэни билиһиннэрии, араас оҥоһуктары оҥоруу, талааны көрдөрүү, авангарднай муода, ас астааһына уонна киэһээҥҥи мааны таҥаһынан тахсыы.
Бэрт уустук түһүмэхтэри ааһан, күрэх кыайыылаахтарынан Болугур олохтоохторо Платоновтар буоллулар: эбээлэрэ Раиса Ивановна Мартынова, ыал ийэтэ Евдокия Васильевна, кыыстара Анисия буоллулар. Кинилэр куукуна гарнитуурун хаһаайыннарынан буоллулар. Иккис миэстэ аммаларга тигистэ. Бу дьиэ кэргэн хамаандатын састааба маннык: эбээлэрэ Айталина Васильевна Васильева, ыал ийэлэтэ Анна Ванифадьевна, кыыстара Айта Калачевалар. Үһүс миэстэҕэ олохтоох чакырдар таҕыстылар: эбээлэрэ Раиса Афанасьевна Филиппова, ийэлэрэ Зоя Владимировна, кыыстара Иванна Гаврильевалар.
Ааптар: Наталья Бубякина
