29 Кулун тутар 29.03
  • -11°
  • $ 92,26
  • 99,71

Алтынньы бүтүүтэ Орто Халымаҕа халаан кэннинээҕи чөлүгэр түһэриини түмүктүөхтэрэ

17:17, 19 сентября 2018
Текст:
Читайте нас на
Яндекс Новости
ЯДВ

Билиҥҥи туругунан, Орто Халымаҕа халаан содулун туоратыыга чөлүгэр түһэрэр үлэлэр салгыы ыытыллаллар. Тэрээһиннэр чэрчилэринэн элбэх кыбартыыралаах дьиэлэри өрөмүөннээһин, кэтэх ыал дьиэлэрин чөлүгэр түһэриигэ көмөлөһүү уонна куораты көмүскүүр тутуулары өрөмүөннээһин ыытыллар, диэн Улусмедиа иһитиннэрэр.

Элбэх кыбартыыралаах дьиэлэри “Норд Инжиниринг” ХЭТ өрөмүөннүүр. Уопсайа 12 дьиэҕэ үлэ ыытыллар. Тутар этэрээттэр күүстэринэн кэтэх ыаллар дьиэлэригэр көмө оҥоһулунна. Куорат дьаһалтата тутуу матырыйаалынан хааччыйда.

Маны сэргэ көмүскүүр тутуулары өрөмүөннээтилэр, чуолаан, Воинская уулуссаҕа быһыты бөҕөргөтүүгэ.

Билигин массыына суолларын өрөмүөннүүллэр. Манна “КЕН и Компаньон” ХЭТ бэдэрээтчитинэн буолар. Уопсайа 6694,8 куб кумах-гравий булкааһын кутуохтара. Ардасенов уонна Петранкиннар уулуссаларыгар өрөмүөн түмүктэннэ. Аны Набережнай, Заречнай, Анкудинскай уулуссалары оҥоруохтара.

“Билиҥҥи туругунан, быһыты өрөмүөннээһиҥҥэ эрэ үп киирдэ. Былаан быһыытынан чөлүгэр түһэрэр үлэни алтынньы 31 күнүгэр түмүктүөхтээхпит. Билигин үлэлэри толоруу 64 быр. тэҥнэһэр”, — диэн Орто Халыма куоратын баһылыга Владимир Николаевич Шараборин иһитиннэрдэ.

Следите за самым важным и интересным в Telegram-канале и WhatsApp-группе ЯСИА