Арассыыйаҕа ураты аналлаах подразделениелар (спецназ), АХШ-га — ас-үөл күннэрэ. Бүгүн Холбоһуктаах Нациялар Тэрилтэлэрин устааба күүһүгэр киирбит. ХНТ (United Nations) диэн иллэр ардыларынааҕы сыһыаны тупсарарга, аан дойдуга эйэни тутуһарга уонна сэриини суох оҥорууну ситиһэргэ олохтоммут дойдулар ардыларынааҕы тэрилтэ. Билиҥҥитэ ХНТ-га 192 дойду киирэр.
Алтынньы 24 диэн Грегориан халандаарыгар сыл 298-с күнэ (ордук хонуктаах сылга 299-c күнэ). Сыл бүтүө 67 күн баар.
Бэлиэ күннэр:
- ХНТ — Холбоһуктаах Нациялар Тэрилтэлэрин күнэ
- ХНТ — Аан дойдутааҕы полиомиелит утары охсуһуу күнэ
- ХНТ — Аан дойдутааҕы сайдыы туһунан билии күнэ
- Арассыыйа — Өлбүт ракетчиктар кэриэстэрин ытыктабыл күнэ
- Арассыыйа — Ураты аналлаах подразделениелар (спецназ) күннэрэ
- АХШ — Ас-үөл күнэ
- Пакистаан — Азад (Көҥүл) Кашмир күнэ
Түбэлтэлэр:
- 1648 — Европаҕа Отут сыллаах сэриини түмүктүүр Вестфаль эйэтэ түһэрсиллибит. Бу дуогабарга судаарыстыбалар бэйэлэрин территорияларыгар суверенитеттара, о.э. толору былаастаахтара, бигэргэммит. Ону кытары дойдулар ардыларынааҕы сыһыаҥҥа «күүс балансата» баар буолуохтааҕа этиллибит.
- 1795 — Польша уонна Литва холбоһуктарын, Речь Посполитаяны, үсүһүн букатыннаахтык Арассыыйа, Пруссия уонна Австрия үллэстибиттэр.
- 1929 — АХШ фондовай биржаларыгар «хара чэппиэр» — акциялар сыаналара күр гыммыттар. Бу күн Улуу кэхтии диэн уон сыл кэриҥэ салҕаммыт улахан экэниэмикэ кириисиһин саҕаланыытынан ааҕыллар. Улуу кэхтии баай да дьадаҥы да дойдулары улаханнык охсубута. Тус барыс, түһээн киириитэ, барыстар уонна сыаналар түспүттэр, дойдулар ардыларынааҕы эргиэн 50%-тан тахса аччаабыт. Үлэтэ суох буолуу АХШга 25% үүммүт, сорох дойдуларга 33% дылы үүммүт.
- 1935 — Москуба Күрүөмүлүн Спасскай башнятын чыпчаалыгар икки бастаах хотой оннугар биэс салаалаах кыһыл сулус анньыллыбыт.
- 1945 — Холбоһуктаах Нациялар Тэрилтэлэрин устааба күүһүгэр киирбит. ХНТ (United Nations) диэн иллэр ардыларынааҕы сыһыаны тупсарарга, аан дойдуга эйэни тутуһарга уонна сэриини суох оҥорууну ситиһэргэ олохтоммут дойдулар ардыларынааҕы тэрилтэ. Билиҥҥитэ ХНТ-га 192 дойду киирэр.
- 1946 — АХШ-га Фау-2 ракета 105 км үрдүккэ күөрэйэн тахсыбытыгар ракетаҕа олордуллубут фотокамера бастакынан Сири космостан хаартыскаҕа түһэрбит.
- 2003 — Тыас түргэнин куоһарар пассажирскай көтөр аал Конкорд бүтэһик рейсин оҥорбут.
Төрөөбүттэр:
- 1910 — Николай Тарабукин — эбээн литэрэтиирэтин төрүттээччитэ, бастакы суруйааччыта, эбээн фольклорун чинчийээччи. Эбээн литэрэтиирэлии тыла олоҕурарыгар, эбээн омуга сайдарыгар сүдү улахан кылааты киллэрбит киһи.
Өлбүттэр:
- 1935 — Анемподист Cофронов — Алампа — саха литературатын төрүттээччилэртэн биирдэстэрэ.
- 2010 — Егор Алексеев — аатырбыт саха устуоруга, публицист, СӨ билимин үтүөлээх диэйэтэлэ, Кулаковскай аатынан судаарыстыбаннай бириэмийэ лауреата, Нам, Таатта, Үөһээ Бүлүү, Ньурба улуустарын, Бүлүүчээн нэһилиэгин ытык олохтооҕо.
