Субуота күннэрин аллыҥалар «Один день в СССР» диэн Комсомол күнүгэр анаан сэргэх тэрээһининэн киэргэттилэр. Бу туһунан Х.Н. Николаева аатынан култуура киинин салайааччыта Августина Афанасьевна Иванова иһитиннэрдэ.
Аллыҥа нэһилигин аҕам саастаахтара, оскуола, «Үрүйэчээн» уһуйаан, дьаһалта, кулууп, бибилэтиэкэ кэллэктииптэрэ буолан «Один день в СССР» тэрээһини киэргэттилэр.
Күөн-күрэс түмүгүнэн «Песни нашей юности» анал ааты «Комсомол кыргыттара» аҕам саастаахтар түмсүүлэрэ, «Танцевальный поединок» анал ааты оскуола кэллэктиибэ,
«Мода в СССР» анал ааты олохтоох дьаһалта, бибилэтиэкэ, кулууп холбоһуктаах хамаандата, «Угадай мелодию» анал ааты «Үрүйэчээн» уһуйаана ыллылар.
Култуура киинин үлэһиттэрэ Сэбиэскэй кэминээҕи остолобуой үлэлэттилэр. Онтон дьон-сэргэ олус астынна. Тэрээһин аата да этэринии Сэбиэскэй Сойуус тутулун кэмэ, онон олохтоохтор онно сөп түбэһэрдик таҥыннылар.
Саамай үчүгэй көстүүмнээх көрөөччү аатын Саввинов Николай Гаврильевич сүктэ. Ырыа көрүү-күрэҕин Юрий Прокопьевич Николаев баянынан доҕуһуоллаата.
Ааптар: Юлия АЛЕКСЕЕВА, Сунтаар улууһа.
