28 Кулун тутар 28.03
  • -13°
  • $ 92,59
  • 100,27

Аллараа Бэстээххэ сөтүөлүүр бассейннардаах спорткомплекс аһылынна

15:01, 25 декабря 2020
Текст:
Читайте нас на
Яндекс Новости
ЯДВ

Мэҥэ-Хаҥалас Аллараа Бэстээҕэр сөтүөлүүр бассейннардаах тыа сиригэр бастакы спорткомплекс аһылынна. Федеральнай бырагырааманан тутуллубут эбийиэги аһыыга Ил Дархан Айсен Николаев сырытта.


«Бэрэсидьиэн В. Путин биллэрбит национальнай бырайыактарынан Аллараа Бэстээххэ сөтүөлүүр бассейннардаах спорткомплексы тутарга санаммыппыт. Бырайыак уустугунан тутуу 2019 сыл ыам ыйыгар саҕаламмыта. 3,5 тыһыынча кв. миэтэрэ иэннээх, улахан саалалаах, икки бассейннаах, тренажернай уонна спорт атын араас көрүҥнэринэн дьарыктанар саалалардаах баараҕай тутуу тутааччылар сыраларынан кэмигэр үлэҕэ киирдэ», — диэтэ Ил Дархан.

Айсен Николаев бу курдук тутуулар тыа сиригэр наадалаахтарын, мантан өрөспүүбүлүкэ аатын дойду, аан дойду таһымыгар ааттатар чөмпүйүөннэр үүнэн тахсыахтарыгар саарбахтаабатын эттэ.

Үс этээстээх дьиэ иккис мэндиэмэнигэр кыра, улахан бассейннар, уопсай спортивнай саала, сауна, мэдиссиинискэй, таҥас уларыттар хостор бааллар. Үһүскэ – эти-хааны эрчийэр, теннис, аэробика саалалара.

Саҥа комплекс баарыс спордугар ССРС бастакы олимпийскай чөмпүйүөнэ Тимир Пинегин аатыгар сүгүрүйэн “Парус” диэн ааттаах.

Следите за самым важным и интересным в Telegram-канале и WhatsApp-группе ЯСИА