29 Кулун тутар 29.03
  • -11°
  • $ 92,26
  • 99,71

Аллараа Бэстээххэ үлэ дьаарбаҥката тэрилиннэ

09:12, 13 сентября 2018
Текст:
Читайте нас на
Яндекс Новости
ЯДВ

Үгэскэ кубулуйбут Мэҥэ Хаҥаластааҕы үлэ дьаарбаҥката Аллараа Бэстээхтээҕи култуура киинигэр балаҕан ыйын 12 күнүгэр буолла. Тэрээһин «Мэҥэ Хаҥалас улууһа» МТ, улуустааҕы дьарыктаах буолуу киинин, биисинэс-инкубатор уонна Аллараа Бэстээхтээҕи култуура киинин көҕүлээһиннэринэн ыытылынна.


Дьаарбаҥкаҕа 260-тан тахса киһи кытынна, 20 тэрилтэттэн бэрэстэбиитэл үлэлээтэ. Кинилэр истэригэр улуустааҕы үөрэх управлениета, ис дьыала отдела, инбэлииттэр уопсастыбалара, чааһынай урбаанньыттар Д.И.Ефимова, Н.Н. Коваленко, А.Р. Мохначевскай, С.И. Назарова, А.И. Тихонова, М.А. Попова, Т.А. Варламова, В.В.Кычкин, А.А. Павлов, «Аргыскредит» тэрилтэ о.д.а. кыттыыны ыллылар. Атын улуустарга үлэһиккэ наадыйааччылар испииһэктэрэ эмиэ туруоруллубут. Биисинэс эйгэтигэр үлэлии-хамсыы сылдьааччылар быыстапкалаатылар, атыы-тутуу тэрилиннэ.

Соторутааҕыта Мэҥэ Хаҥалас улууһун дьаһалтата олохтоохтору бырамыысыланнас эйгэтигэр үлэлэтэ ыытыыга «Золото Селигдара» ААУо, «Полюс Алдан» АУо, «Якутуголь» АУо холдинг хампаанньалары кытта сөбүлэһии түһэрсибитэ. Дьаарбаҥка күнүгэр бу бөдөҥ тэрилтэлэр бэрэстэбиитэллэрэ Ольга Попова уонна Елена Панова туох-ханнык үлэлэр баалларын билиһиннэрдилэр.

— Биһиги уопсастыбабытыгар быстах кэмҥэ буолбакка, миэстэтигэр олохсуйан үлэлиир араас идэлээх исписэлиистэргэ наадыйабыт. Олорор усулуобуйаны эмиэ тэрийэн биэрэбит, социальнай өртүнэн хааччыйабыт, ‒ диэн «Полюс Алдан» акционернай уопсастыба персоналы кытта үлэлиир салаатын сүрүннүүр исписэлииһэ Елена Юрьевна иһитиннэрдэ.

Бырамыысыланнаска үлэлиэн баҕарааччылар баалларын биллэрдилэр. Ол эрээри ордук элбэх киһи учуутал, араас өҥөнү оҥорооччу, гаастааһыҥҥа эпэрээтэр, харабыл үлэлэрин интэриэһиргээн ыйыталаста. Быйылгы үөрэх дылыгар Бүтэйдээххэ, Хорообукка, Төҥүлүгэ, Табаҕаҕа, Таракка, Чыамайыкыга, Хаптаҕайга, Моорукка, Маттаҕа о.д.а. предметтэри үөрэтэр учууталлар наадалар. Үгүс нэһилиэк дьаһалтата исписэлиистэр уопсай дьиэҕэ олороллоругар усулуобуйа тэрийбит.

Бэйэлэрэ дьыала арыйан, биисинэс тэринэн үлэлиэн баҕалаахтарга анаан маастар-кылаастар үлэлээтилэр. Биир сүрүн болҕомтону Дьокуускай куораттан каадырдары сайыннарар «Статус» ааҕыныстыба ылла. Хааччахтаммыт эппиэтинэстээх тэрилтэ салайааччыта Татьяна Томская «Биисинэс-инкубатор» киинин мунньахтыыр саалатыгар баҕалаахтарга анаан маастар-кылаас ыытта. Үлэ көрдөөччүлэр сөптөөх идэни бас билиигэ тест оҥордулар, бэйэлэрин кыахтарын холоннулар, элбэх сүбэни-аманы ыллылар. Татьяна Викторовна каадырдары кытта үлэлиир эппиэттээх үлэһиттэри уонна салайааччылары кытта эмиэ көрүстэ.

АаптарВиктория БЕЛОЛЮБСКАЯ, «Эркээйи» хаһыат, Ulus.Media сайт    

Следите за самым важным и интересным в Telegram-канале и WhatsApp-группе ЯСИА