29 Кулун тутар 29.03
  • -15°
  • $ 92,37
  • 99,53

Алексей Максимов – Арассыыйаҕа бастыыр иһин күрэхтэһии кыайыылааҕа

17:00, 07 марта 2018
Текст:
Читайте нас на
Яндекс Новости
ЯДВ

Бу күннэргэ Пенза куоракка 2003-2004 уонна 2005-2006 сс. төрүөх уолаттар, кыргыттар ортолоругар чэпчэки атлетикаҕа Арассыыйаҕа бастыыр иһин күрэхтэһии түмүктэннэ. Манна Мэҥэ Хаҥаластааҕы оҕо спортивнай оскуолатын бэрэстэбиитэлэ Алексей Максимов 14-15 саастаахтарга үстэ төхтөрүйэн ыстаныыга — 13 миэтэрэ 36 см түһэн, бастыҥ көрдөрүүлэннэ.


Саха Өрөспүүбүлүкэтин үтүөлээх тириэньэрэ Борис Ильин иитиллээччилэрэ Бүтүн Арассыыйатааҕы күрэхтэһиилэргэ сыллата ситиһиилээхтик кытталлар. Москва, Самара, Волгоград, Свердловскай уобалас, Татарстан, Ставрополь курдук чэпчэки атлетика кииннэриттэн сылдьар үөлээннээхтэрин кытта араа-бараа илин-кэлин түсүһэллэр. Ол курдук, Георгий Шергин 2012 сыллаахха “Азия оҕолоро” норуоттар икки ардыларынааҕы Спортивнай оонньууларга үстэ төхтөрүйэн ыстаныыга (14 м 26 см) чөмпүйүөн үрдүк аатын ылбыта, 2013 сыллаахха Арассыыйаҕа бастыыр иһин күрэхтэһиигэ боруонса мэтээли ылбыта (14 м 48 см), дойду үөрэнээччилэрин спартакиадатын финалыгар үһүс бириистээх миэстэҕэ тахсыбыта (14 м 75 см).

Борис Ильин өссө биир иитиллээччитэ Петр Филиппов 2014 сыллаахха саха спордун устуоруйатыгар аан бастаан 14-15 саастаахтар ортолоругар уһуну ыстаныыга Арассыыйаҕа бастыыр иһин күрэхтэһии кыайыылааҕынан буолбута (6 м 50 см). Эмиэ онно үстэ төхтөрүйэн ыстаныыга иккис көрдөрүүлэммитэ — 13 м 32 см. 2016 сыллааҕы күрэхтэһиигэ уһуну ыстаныыга 6 миэтэрэ 83 см түһэн, үһүс миэстэни ылбыта.

Онон Мэҥэ Хаҥаластааҕы оҕо спортивнай оскуолатын тириэньэрэ Борис Ильиниитиллээччилэрэ – ыччаттарга Георгий Шергин, юниордарга Петр Филиппов, обургу уолаттарга Дмитрий Дмитриев, кыра уолаттарга Алексей Максимов — бүгүн Арассыыйа таһымыгар Саха сирин дьоһуннук ааттаталлар.

Следите за самым важным и интересным в Telegram-канале и WhatsApp-группе ЯСИА
Тутаах тыллар