Дьиэ-уот, коммунальнай хаһаайыстыба эйгэтин ытыктабыллаах үлэһиттэрэ, бэтэрээннэрэ! Хас сыл аайы кулун тутар үһүс өрөбүлүгэр ДьКХ уонна бытовой өҥөнү оҥорор үлэһиттэр идэлээх бырааһынньыктарын бэлиэтиибит!
Хас биирдии тэрилтэ, киһи олоҕун усулуобуйатын хааччыйыыга эһиги күннээҕи сыраҕыт туһуланар. Биһиги бука бары киэҥ-куоҥ, аныгы, туспаҕай дьиэҕэ-уокка олоруохпутун, үлэлиэхпитин баҕарабыт. Эһиги билиигит-көрүүгүт, сатабылгыт — элбэх кэрдиистээх коммунальнай хаһаайыстыба механизымын бүтүннүүтүн хамсаатар сүдү күүс.
Бүгүн ДьКХ эйгэтигэр дьоһун уларыйыылар буола тураллар.Оҥоһуллар үлэ хаачыстыбатын муҥутуурдук үрдэтиигэ ити уларытыы сүрүн ис хоһооно туһаайыллар. Эниэргийэни кэмчилиир технологиялары туһаныы, государство-чааһынай хардарыта дьайсан үлэлээһиннэрэ олоххо киирэр. Онуоха былаас уорганнарын бары таһымнарыттан, бизнес бэрэстэбиитэллэриттэн көдьүүстээх үлэ эрэйиллэр.
ДьКХ эйгэтигэр билигин да ситэри быһаарылла илик кыһалҕа аҕыйаҕа суох. Мин үлэһиттэр кыахтарынан ити күттүөннээхтик быһаарылларыгар бүк эрэллээхпин.
Дьылтан-күнтэн тутулуктаммат сыралаах үлэҕит иһин истиҥник махтанабын уонна идэлээх бырааһынньыгынан эҕэрдэлиибин! Барыгытыгар чиҥ доруобуйаны, дьолу-соргуну баҕарабын!
ДьКХ уонна энергиэтикэ миниистирэ Алексей Колодезников
