Бүгүн, бэс ыйын 26 күнүгэр, Ил Түмэн бастакы вице-спикерэ Александр Жирков РФ Конституциятыгар уларытыыларга куоластаата.СИА-ҕа Ил Түмэн пресс-сулууспата иһитиннэрдэ.


Быыбардыыр учаастакка суруналыыстары кытта көрсүһүүгэ Александр Николаевич: “Конституцияҕа уларыйыылар ылыныллыахтара, итиниэхэ ханнык да саарбахтааһын суох”, – диэн эттэ.

“Саҥардыллыбыт Конституцияҕа биһиги өрөспүүбүлүкэбит Конституциятыгар уларытыылары киллэрэри ирдиир түгэннэр бааллар. Чуолаан, былаас ситимэ алтыһыытыгар, оҕотуттан улаханыгар тиийэ дьон олоҕо көмүскэллээх буоларыгар уонна, биһиэхэ улахан суолталааҕа – омуктар, кинилэр тыллара, култууралара, олохторун эйгэтэ ордук-хоһу түсүһүүтэ, хаалсыһыыта суох, тэҥ бырааптаах, тэҥ көҥүллээх, тэҥ сайдыылаах буолууларын Төрүт сокуоҥҥа олоҕуран мэктиэлээһиҥҥэ.

Конституцияҕа саҥалыы тургутуһан көрөр кыах үөскүөҕэ. Бу үлэҕэ аҥаардас өрөспүүбүлүкэ салалтата эрэ буолбакка, дьон-сэргэ, үөрэх, наука, култуура эйгэтэ олоччу өйүн-санаатын түмэрэ ирдэнэр. Ити үлэни биһиги Ил Дархаммыт, Ил Түмэн, общественнай, научнай түмсүүлэр иилиэхтэрэ-саҕалыахтара. Түмүкпүт биһиги төһө түмсүүлээхпититтэн, сүрүн хайысхаларга төһө биир санаалаахпытыттан улахан тутулуктаах буолуоҕа”.

Сигэн:

1
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.