28 Кулун тутар 28.03
  • -13°
  • $ 92,26
  • 99,71

Александр Ноговицын: хандьыдааттары норуот талар

14:52, 15 апреля 2018
Текст:
Читайте нас на
Яндекс Новости
ЯДВ

«Биир ньыгыл Арассыыйа» баартыйа Саха сиринээҕи салаатын сэкиритээрэ Александр Ноговицын барыллаан куоластааһын туһунан суруналыыстарга кэпсээтэ.


«Биһиги барыллаан куоластааһыны ыытар соҕотох баартыйа буолабыт. Хандьыдааттары остуол тула олорон бэйэбит эрэ буолбакка, дьоҥҥо талларабыт. Бүгүҥҥү быыбарга элбэх куолаһы ылбыт дьон балаҕан ыйынааҕы быыбарга турунуохтара. Мин хас да учаастакка сырыттым, дьон көхтөөх. Кэтээн көрөөччүлэр эмиэ элбэхтэриттэн киһи үөрэр. Быыбар ыраастык, чиэһинэйдик барыахтаах», — диир Александр Ноговицын.

Быыбардыыр учаастак аадырыһын манна көрүөххэ сөп.

«Биир ньыгыл Арассыыйа» баартыйа Саха сиринээҕи салаата быһа сибээһи 8924-177-5969 төл. нүөмэринэн олохтоото.

Араас таһымҥа быыбар быйыл балаҕан ыйын 9 күнүгэр буолуоҕа. Саха сиригэр Ил Түмэн уонна Дьокуускай куорат дууматын дьокутааттарын, 26 улуус мунньаҕын дьокутааттарын, 15 улуус уонна 21 нэһилиэк баһылыгын талыахпыт.

Николай Попов, «Саха сирэ» хаһыат, edersaas.ru

0

0
Следите за самым важным и интересным в Telegram-канале и WhatsApp-группе ЯСИА