29 Кулун тутар 29.03
  • -12°
  • $ 92,26
  • 99,71

Александр Федотов сырдык кэриэһигэр анаммыт бүтүн Арассыыйатааҕы турнир Дьокуускайга ыытыллар

16:20, 08 декабря 2016
Текст:
Читайте нас на
Яндекс Новости
ЯДВ

Боксаҕа ССРС спордун маастарыгар кандидат, спорт бу көрүҥэр федерация президенэ Александр Федотов сырдык кэриэһигэр анаммыт турнир быйыл төрдүс төгүлүн ыытыллар.


Былырыыҥҥыттан ыла Арассыыйа таһымнаах күрэхтэһии анал туругун ылбыта. Бу сыллааҕы кыайыылаахтар ааттара ахсынньы 11 күнүгэр биллиэхтэрэ.Бастакы күрэхтэһии кини төрөөбүт Чурапчытыгар ыытыллыбыта.

Саха сиригэр бокса сылын аайы сайда турар. Биһиги боксердарбыт Арассыыйа да, норуоттар икки ардыларынааҕы да күрэхтэһиилэргэ ситиһиилээхтик кытталлар. Александр Федотов сырдык кэриэһигэр анаммыт күрэхтэһии спорт бу көрүҥүн сайыннарыыга олугу ууруо», — диэтэ бокса федерациятын президенэ Петр Алексеев.

Саха сирин араас муннуктарыттан 50-ча спортсмен кыттар. Турнирга кыттааччылар спорт маастарыгар кандидат буолуохтаахтар. Финалга күөн көрсүү «Кыайыы 50 сыла» спорт дыбарыаһыгар ыытыллар.

Бырагыраама:

Ахсынньы 8 күнэ:

14:00-14:30 — күрэхтэһиини үөрүүлээхтик аһыы;

14:30-18:00 — барыллааһын киирсиилэр;

Ахсынньы 9 күнэ:

14:00-18:00 — барыллааһын киирсиилэр;

Ахсынньы 10 күнэ:

14:00-18:00 — полуфинал;

Ахсынньы 11 күнэ:

12:00-17:00 — финал;

17:30-18:00 — турниры үөрүүлээхтик сабыы.

Следите за самым важным и интересным в Telegram-канале и WhatsApp-группе ЯСИА