Алдан оройуонун Хатыыстыыр бөһүөлэгэр 98 миэстэлээх “Сардаана”саҥа оҕо саада тутулунна. Оҕо саадын судаарыстыба уонна чааһынай бииргэ кыттыһан туттулар. Хатыыстыырга оскуола иннинээҕи саастаах тэрилтэни тутууга регион бырабыыталыстыбата, “Алмазэргиэнбанк” уонна “Востокпромстрой” СК ХЭТ бииргэ сөбүлэһии түһэрсэн, үлэлээбиттэр.
“Сардаана” оҕо саада “Үс култуура сойууһа” истиилинэн толоруллубут, сылаас уонна киэҥ-куоҥ. “Сардаананы” аан дойду бары муннуктарыттан кэлбит куукулалар киэргэтэллэр.
Оҕо саадын аһыллыытыгар “Полюс Алдан” АУо салайар дириэктэрэ Алексей Носков өҥнөөх тэлэбиисэр туттаран туран эҕэрдэлээтэ. “Алдан оройуона” МТ баһылыга Северин Поздняков харчынан сертификат биэрдэ. Ону тэҥэ оройуон үөрэҕириитин начаалынньыга Елена Хрущ, тэрилтэлэр салайааччылара эҕэрдэлээтилэр.
СИА.
This post was published on 18.12.2018 16:34 16:34