Улуу Кыайыы күнүн көрсө Алдан оройуонун олохтоохторо субуотунньуктарга кытталлар. Билиҥҥитэ хаар ситэ уулла илик буолан, дьиэ таһын кэнники ыраастыахтара. Билигин уопсастыбаннай сирдэртэн бөҕү-сыыһы хомуйаллар.
Кыайыы обелиһын таһын ыраастыы “Наше будущее” Алданнааҕы православнай тэрилтэ волонтердара бастакынан таҕыстылар. Эбиэт кэнниттэн 23 кыһыл армеец, 7 казак уонна казачка хомуйдулар. Ыам ыйын 6 күнүгэр волонтердар үлэлэригэр “Ориентир”, “Все в наших руках” уопсастыбаннай тэрилтэлэр, “Азимут 4х4” кулууп, “Атмосфера”, “Дари добро” автокулууп кыттыстылар. “Центр семейного устройства” эмиэ кинилэртэн хаалсыбата.
СИА.