«Дьахталлар XIV съезтэригэр анаммыт VII-с өрөспүүбүлүкэтээҕи кыргыттар форумнарыттан олус элбэх саҥа идеялаах кэллибит», — диэн санааларын үллэһиннилэр Алдан көхтөөх кыргыттара.
«Биһиги улууска ыытар үлэбитин «Россия ийэлэрэ» уопсастыбаннай тэрилтэ Саха сиринээҕи тэрилтэтин бэрэссэдээтэлэ Прасковья Борисова, СӨ дьахталларын тэрилтэлэрин союһун бэрэссэдээтэлэ Валентина Кириллина, «Арктик леди» фонд президенэ Анжелика Егорова үрдүктүк сыаналаатылар. Маннык тэринии эдэр кыргыттар, дьахталлар бэйэлэрин көрүүлэрин олоххо киллэрэллэригэр төһүү күүс буоларын кинилэр бэлиэтээтилэр», — диэн кыргыттар кэпсээтилэр.
Алдан кыргыттара биэс секцияҕа кыттан, нэһилиэги тупсарыы, чөл олох бырагыраамаларын туолуутун кэпсээтилэр, предпринимательство сайдыытын, эдэр ыал аныгы үйэҕэ көрүүтүн туһунан санааларын үллэһиннилэр.
«Сөптөөхтүк үлэлии сылдьар эбиппит. Онон эбии форумтан ылбыт идеяларбытын олоххо киллэриэхпит. Боростуой үлэ буолбатах эрээри, дьахтар барытын кыайар», -диэн Татьяна Арсамакова санаатын үллэһиннэ.
