19 Кулун тутар 19.03
  • -11°
  • $ 91,98
  • 100,24

Алаһыайга бастыҥ Уоланы быһаардылар

18:16, 06 декабря 2018
Текст:
Читайте нас на
Яндекс Новости
ЯДВ

Алаһыай орто оскуолатын 11-с кылаас уолаттара „Уолан“ күрэххэ кытыннылар. Күрэхтэһии иккис төгүлүн ыытылынна. Кыттааччылар хайыһарынан сүүрүүгэ, тоҥ балыгы кыһыыга, уот оттон чэйи оргутууга онтон да атын көрүҥнэргэ илин-кэлин түһүстүлэр. Уолаттар  манна быһыйдарын, сымсаларын, булугастарын көрдөрдүлэр.


Алаһыай орто оскуолатын 11-с кылаас уолаттарыгар «Уолан» күрэх үс түһүмэҕинэн ыытылынна: «Саха төрүт оонньуулара», «Интеллектуальнай» уонна «Байанай». Тымныыттан толлубат үрүҥ уоланнар өбүгэ үгэстэрин, мындыр өйүн төһө утумнаабыттарын тургуттулар.

Бу тыҥааһыннаах күрэхтэһиинэн алаһыайдар каадырабай булчутунан таһаарыылаахтык үлэлээбит биир дойдулаахтарын ааттарын үйэтиттилэр. Ол курдук Егор Иннокентьевич Кокориҥҥа — «Булчут үүтээнэ»,  Михаил Константинович Созоновка — «Тоҥ балык», Петр Николаевич Кондаковка-II — «Тииҥ мэйии», Алексей Афанасьевич Созоновка — «Бэргэн ытааччы», Захар Константинович Шадрин кэриэһигэр «Түргэн, сыыдам хайыһар» күрэхтэр ананнылар.

Уолаттар илин-кэлин түһүстүлэр, сатыыбыт-сатаабаппыт диэн чинэрийбэтилэр, ыарахаттартан дьулайбатылар. Ону таһынан кыттааччылар «Риторика» түһүмэххэ дакылаат аахтылар, «Дьоҕур» түһүмэххэ талааннарын, сатабылларын көрдөрдүлэр.

Күрэх түмүгүнэн «Уолан-2018» үрдүк ааты Петр Третьяков сүктэ.

Ааптар: Любовь Полюхова, «Халыма долгуннара» хаһыат

Следите за самым важным и интересным в Telegram-канале и WhatsApp-группе ЯСИА