«Россиятааҕы устудьуоннар этэрээттэрэ» уопсастыбаннай тэрилтэ Саха сиринээҕи салаатын салайааччыта Айсен Соловьев Конституцияҕа көннөрүүлэри өйүүрүн биллэрдэ уонна от ыйын 1 күнүгэр куоластааһыҥҥа бары көхтөөх кыттыыны ылалларыгар ыҥырда, СИА суруйар.
«От ыйын 1 күнүгэр РФ Конституциятыгар көннөрүүлэри киллэриигэ куоластааһыны ыытыы туһунан президент этиитин кытта сөпсөһөбүн. Билигин систиэмэлээһини саҕалыыр наада, онон сокуоннар пууннарын күүһүрдүүгэ тоҕоостоох кэм үүннэ. Маннык саҥаны киллэрии Россия территориятыгар үлэлиир хас биирдии тэрилтэҕэ, уоргаҥҥа баар буолуохтаах. Куоластааһын түмүгүнэн, биһиги ханнык хайысханы тутуһан сайдарбыт биллиэҕэ. Ол иһин хас биирдиибит бэйэтин санаатын этиэхтээх, куоластааһыҥҥа көхтөөх кыттыыны ылыахтаах», — диэтэ Айсен Соловьев.
Куоластааһын кэмигэр Роспотребнадзор ирдэбиллэрин тутуһар хайаан да наадатын тоһоҕолоон бэлиэтээтэ. «Куоластааһын кэмигэр баар санитарнай-эпидемиологическай балаһыанньанан ирдэбиллэри тутуһууну барытын учуоттаабыттар, биирдэ туттуллар уруучукатыгар тиийэ. Бу дьаһал олус суолталаах. Нэһилиэнньэ социальнай дистанцияны тутуһуон наада, бэйэтиттэн тутулуктаах миэрэни барытын толоруон наада«, — диэтэ кини.
