Оптуорунньукка Саха сирин Ил Дарханын э.т. икки күнээх командировкаҕа Халыма оройуоннарынан барда. Бүгүн Айсен Николаев Зырянка бөһүөлэгиттэн 9 км сиргэ баар бөртөлүөт түһэр былаһааккатыгар сүбэ мунньаҕы ыытта.
Кинини СӨ бырабыыталыстыбатын бэрэссэдээтэлин бастакы солбуйааччы Алексей Колодезников, өрөспүүбүлүкэ нэһилиэнньэтин хааччыйыыга госкэмитиэт бэрэссэдээтэлэ Юрий Зайцев уонна халааны туоратыыга дириэксийэ бэрэстэбиитэллэрэ арыаллаатылар.
“Түргэнник хоромньуну ааҕыахха наада уонна чөлүгэр түһэрэр үлэлэри ыытыахха. Эмсэҕэлээбит дьоҥҥо барыларыгар көмө оҥоһуллуоҕа”, — диэтэ Айсен Николаев.
Аркадий Васильев.
