Өрөспүүбүлүкэ баһылыга Айсен Николаев бэйэтин Инстаграмыгар балаҕан ыйын 18 күнүгэр Кремльгэ Арассыыйа бэрэсидьиэнэ Владимир Путин регионнар саҥа баһылыктарын кытта көрсүһүүтүгэр кыттыытын туһунан сиһилии кэпсээтэ.

“Соторутааҕыта дойдубут бэрэсидьиэнэ регионнар баһылыктарын кытта көрсүстэ. Хас да баһылык, олор истэригэр мин тыл эттибит. Уһук илиҥҥилэр ааттарыттан бэрэсидьиэҥҥэ Уһук Илини 2025 сылга уонна 2035 сылга диэри сайыннарыыга Национальнай бырагырааманы оҥорууга сорудаҕын иһин махтанным. Саха сирэ бу бырагыраамаҕа этиилэри хомуйууну саҕалаата. Уһук Илини сайыннарар былааҥҥа Саха сирин дьиҥнээх норуодунай бырагырааматын бэлэмниир туһугар этиилэр урукку курдук министиэристибэлэртэн, биэдэмистибэлэртэн буолбакка, учуонайдар, экспердэр, биисинэс бэрэстэбиитэллэрин этиилэрин болҕомтоҕо ылан, оҥоһуллуоҕа”, — диэн Инстаграмҥа бэйэтин страницатыгар Айсен Николаев суруйда.

Маны сэргэ Николаев бэрэсидьиэн ыйааҕын олоххо киллэрии чэрчитинэн Дьокуускайга цифровой сайдыы киинин тэрийэргэ этии киллэрдэ.

Өрөспүүбүлүкэ баһылыгын э.т. этэринэн, Путин этиини өйөөтө уонна Саха сирэ тэтимнээх сайдыытыгар эрэнэрин биллэрдэ.

0
0
comments powered by HyperComments