Ил Дархан Айсен Николаев Россия наукаҕа уонна үрдүк үөрэҕириигэ миниистирэ Валерий Фальковы кытта өрөспүүбүлүкэҕэ уонна Уһук Илиҥҥэ үрдүк үөрэҕи сайыннарыы боппуруостарын дьүүллэстэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
Айсен Николаев көрсүһүү кэмигэр өрөспүүбүлүкэ «Хоту» научнай үөрэҕирии киинин тэрийэр уонна ХИФУ медицинскэй институтугар лаборатория кыылларын чинчийэр уонна тутар виварийдаах үөрэнэр-лабораторнай корпуһу тутар көҕүлээһинин туһунан сырдатта. Ону тэҥэ Уһук Илиҥҥи уокурук үрдүк үөрэх кыһаларыгар бүддьүөттэн үбүлэнэр миэстэлэри элбэтии туһунан дьүүллэстэ.
Уһук Илиҥҥи үрдүк үөрэх кыһаларыгар федеральнай бүддьүөттэн үбүлэнэр миэстэлэри элбэтии, олохтоох нэһилиэнньэ ахсаана аҕыйааһынын бопуруоһун быһаарыыга үчүгэй өттүттэн сабыдыаллыан сөбө бэлиэтэнэр.
